Sottalǵan blogerler Erbolat Janabylov pen Elmira Tólegenovadan tárkilengen segiz Hyundai Elantra avtokóligi memlekettik mekemelerge berildi, dep habarlaidy dalanews.kz.
Kólikter bastapqyda áleýmettik jelidegi oqyrmandar arasynda oinatylýy tiis bolǵan. Alaida keiin olar E-Qazyna elektrondy saýda alańy arqyly satylǵan.
Avtokólikter Elmira Tólegenova qurǵan Zhana Business kompaniiasynyń balansynda tirkelgen. Elektrondy aýktsion 7 shilde kúni ótti. Lottardyń bastapqy baǵasy shamamen 8,4 mln teńge bolǵan.
Aýktsionǵa tek memlekettik mekemeler, onyń ishinde bilim berý jáne áleýmettik uiymdar ǵana qatysý quqyǵyna ie boldy.
Osyndai tártippen Astana qalasynyń memlekettik múlik jáne jekeshelendirý departamenti blogerlerdiń oinatylymyna arnalǵan 17 iPhone 16 smartfonyn da aýktsionǵa shyǵarmaq.
Ár smartfonnyń bastapqy baǵasy 484 990 teńge bolyp belgilengen. Bul qurylǵylar da ótkizilmei qalǵan blogerlik utys oiyndarynyń júldeleri bolǵan.
