Áleýmettik jelide Qazaqstannyń tuńǵysh prezidenti Nursultan Nazarbaevtyń kelini Aida Álievanyń týǵan kúninen jariialanǵan sýretter kópshiliktiń nazaryn aýdardy. Jeli qoldanýshylary merekelik keshtiń ózinen bólek, oǵan qatysqan qonaqtar quramyn qyzý talqylap jatyr, dep habarlaidy dalanews.kz.
Jariialanǵan fotolardyń birinde Áliia Nazarbaevanyń kórinýi kópshilik úshin kútpegen jait boldy. Sebebi ol sońǵy jyldary kópshilik aldyna sirek shyǵyp, qoǵamdyq keńistikte asa baiqala bermegen edi.
Al týǵan kún iesiniń jubaiy Nurali Áliev pen onyń anasy Dariǵa Nazarbaeva jariialanǵan kadrlardan kórinbegen. Bul jaǵdai da jeli qoldanýshylarynyń nazarynan tys qalmady.
Áleýmettik jelidegi pikirlerde jurt ásirese Áliia Nazarbaevanyń uzaq úzilisten keiin otbasylyq jiynda boi kórsetýin talqylap jatyr. Kópshilik úshin onyń mundai sharada kórinýi tosyn jańalyq boldy.
Degenmen Instagram-da jariialanǵan sýretter merekege qatysqan barlyq qonaqtyń tolyq tizimin kórsetpeýi múmkin. Soǵan qaramastan, jeli qoldanýshylary otbasylyq keshtegi kadrlarǵa qatysty túrli boljam aityp, pikir bildirýde.
