Qyzylorda oblysynda uiymdasqan top múshelerine qatysty úkim shyǵaryldy, dep habarlaidy Dalanews.kz.
Qyzylorda oblysynyń qylmystyq ister jónindegi mamandandyrylǵan aýdanaralyq sotynda uiymdasqan qylmystyq top quramyna kirgen 23 aiyptalýshyǵa qatysty úkim shyǵaryldy.
Tergeý barysynda bul toptyń esirtki zattaryn asa iri kólemde zańsyz ósirý jáne satýmen ainalysqan turaqty qylmystyq uiym retinde qurylǵany anyqtalyp, sotta dáleldendi.
Sonymen qatar, qylmystyq topty jasyryp júrgen laýazymdy tulǵanyń qatysy bar ekeni anyqtaldy, al qalǵan qatysýshylar esirtki zattaryn tasymaldaýǵa, saqtaýǵa jáne olardy ósirýge jaǵdai jasaýǵa kómektesken.
Qylmystyq is boiynsha figýranttarǵa Qazaqstan Respýblikasy Qylmystyq kodeksiniń 190, 251, 262, 297, 300, 367, 407 jáne 434-baptary boiynsha aiyp taǵyldy.
Qylmystyq toptyń barlyq músheleri taǵylǵan aiyptar boiynsha kináli dep tanyldy. Olardyń ishinde 2-i aiyptalýshyǵa eń joǵary jaza - 19 jyl bas bostandyǵynan aiyrý taǵaiyndaldy. Qalǵan 18 aiyptalýshyǵa 4 jyldan 17 jylǵa deiingi merzimge bas bostandyǵynan aiyrýǵa sottaldy, 2 aiyptalýshyǵa bostandyǵyn shekteý jazasy taǵaiyndalsa, 1 aiyptalýshynyń isi raqymshylyqqa bailanysty toqtatyldy.
Úkim zańdy kúshine engen joq.
