Prezident Parlamenttik reforma jónindegi Jumys tobynyń birinshi otyrysynda sóz sóiledi, dep habarlaidy Dalanews.kz.
"Búgin biz Parlamenttik reforma boiynsha Jumys tobynyń alǵashqy otyrysyna jinaldyq. Ózderińiz bilesizder, ótken aptada arnaiy Jumys tobyn qurý týraly Ókimge qol qoidym. Parlamenttik reforma – elimizdiń aldynda turǵan asa mańyzdy, jaýapty jumys. Joldaýymda bul másele azamattyq sektorda, sarapshylar ortasynda, sondai-aq qazirgi Parlamentte jan-jaqty talqylanýy qajet dep naqty aittym. Búgin, mine, birinshi otyrysymyzda Parlamenttiń, Prezident Ákimshiliginiń, Úkimettiń jáne saiasi partiialardyń ókilderi, zańgerler, ǵalymdar, qoǵam qairatkerleri bar. Bári de elge tanymal azamattar, túrli salanyń mamandary.
Taǵy da qaitalap aitqym keledi: Parlamenttik reforma – elimizdiń, halqymyzdyń taǵdyryna tikelei qatysy bar másele. Jumys tobynyń ár múshesi osy tarihi mindetti durys túsinip, belsendi jumys isteidi dep senemin", - dedi Toqaev.
Sonymen qatar, Memleket basshysynyń pikirinshe, Parlamentti reformalaý Senatty taratý degen sóz emes.
"Sondai-aq, taǵy bir mańyzdy máselege nazar aýdarǵym keledi: Parlamentti reformalaý Senatty taratý degen sóz emes. Mundai qate pikirge jol berýge bolmaidy. Bizdiń aldymyzda turǵan maqsat aiqyn. Biz ókildi bilik tarmaǵyn túbegeili jańǵyrtýymyz kerek. Osylaisha, azamattarymyzdyń múddeleri men tilek-nietin bildiretin zań shyǵarýshy organ múlde jańa sipatqa ie bolady", - dedi Prezident.
