QR IAAR bas direktory Alina Jumaǵulova sharany ashyp, bilim berý júiesiniń jahandyq syn-qaterlerine toqtalyp, bilim berý salasyndaǵy yntymaqtastyq pen mádeni almasýdyń mańyzyn erekshe atady.
QazUÝ-dyń Basqarma Tóraǵasy – Rektory Janseiit Túimebaev transulttyq ózara is-qimyl jáne joǵary bilim berý sapasyn qamtamasyz etý máselelerine arnalǵan forým taqyrybynyń ózektiligine toqtalyp, zertteý ýniversiteti – bul bilim men ǵylymnyń kóptarmaqty máselelerin sheshýge qabiletti model ekenin atap ótti.
– Qazirgi ýaqytta Ál-Farabi atyndaǵy QazUÝ makro deńgeide bilim berý jáne ǵylymi-innovatsiialyq qyzmet nátijelerine qol jetkizýge baǵyttalǵan damý baǵdarlamasyn iske asyrýda. Bizdiń ýniversitet QS jahandyq reitinginde álemdegi eń úzdik ýniversitetter arasynda 150-orynda, sondai-aq ulttyq jáne halyqaralyq reitingterde aldyńǵy oryndardan kórinýde. Oqý ornynyń bilim berý jáne ǵylymi áleýetin eskere otyryp, biz Qazaqstanda álemdik deńgeidegi zertteý ýniversiteti modelin qurýdamyz, – dedi rektor.
Ýniversitet ǵylymynyń eldiń áleýmettik-ekonomikalyq damýyna qosqan úlesin arttyrý úshin ǵylym men bilim berýdiń naqty integratsiiasyna baǵyt alyndy. Búginde ýniversitettik bilim berýdiń perspektivalyq modeli qalyptasýda: oqý ornynda 500-den astam bilim berý baǵdarlamasy iske asyrylýda, 137 bilim berý baǵdarlamasy QS by Subject reitinginde 500 tobyna kirdi. Álemniń joǵary oqý oryndary jáne ǵylymi ortalyqtarymen strategiialyq áriptestik júzege asyrylady. Qos diplom baǵdarlamalary, halyqaralyq jobalar, OPQ úshin taǵylymdamalar jáne bilim alýshylardyń akademiialyq utqyrlyǵy tabysty júrgizilýde.
Jiynda sóz alǵan QR Ǵylym jáne joǵary bilim ministri Saiasat Nurbek joǵary bilim sapasyn arttyrý jolyndaǵy maqsat-mindetterge nazar aýdardy. Vedomstvo basshysy forým qatysýshylaryna kóptegen máselelerdi alqaly túrde pysyqtaýdy usyndy. Onyń qatarynda joǵary bilimniń qandai modelin, atap aitqanda: áleýmettik tegin, táýelsiz nemese aralas túrin engizý máselesin atady. «Demografiialyq jarylys, bilim alýshylar sanynyń artýy onlain-bilim berý kontentin jáne tsifrlandyrýǵa qol jetkizýdi qajet etti», – dedi ministr.
Shara aiasynda QR Ǵylym jáne joǵary bilim ministri Saiasat Nurbek QazUÝ-dyń nanospýtnik zerthanasy, Jerdi qashyqtyqtan zondtaý ortalyǵy, «Keremet» stýdentterge qyzmet kórsetý ortalyǵynyń jumysymen tanysty.
Forýmnyń plenarlyq otyrysynda Tájikstan Respýblikasynyń VI sailanǵan Májilis depýtaty Gúlzoda Qurbonáli, Qyrǵyz Respýblikasy Bilim jáne ǵylym ministriniń orynbasary Rasýl Abazbek, IAAR Baiqaý keńesiniń tóraiymy, keńes tóraǵasynyń orynbasary Birǵanym Áitimova, QR Joǵary oqý oryndary qaýymdastyǵynyń prezidenti Rahman Alshanov, Dúniejúzilik meditsinalyq bilim berý federatsiiasynyń prezidenti Devid Gordon, Joǵary bilim sapasyn qamtamasyz etý jónindegi Eýropalyq reestr prezidenti Karl Ditrih, Joǵary bilim berýdegi sapany qamtamasyz etý jónindegi Eýropalyq qaýymdastyqtyń direktorlar keńesiniń múshesi, Joǵary bilim sapasy jónindegi agenttik (AIKA) direktory Iolanta Silka sóz sóiledi.
Sondai-aq jiyn barysynda reiting jeńimpazdaryn marapattaý rásimi ótti. Akkreditteý jáne reitingtiń táýelsiz agenttigi (IAAR) reitinginde Ál-Farabi atyndaǵy Qazaq ulttyq ýniversiteti birinshi oryndy ielendi.
Odan ári forým jumysy paneldik sessiialarǵa jalǵasty. Onda «Shynaiy jahandyq jaǵdaidyń bilim berýdiń damýyna yqpaly», «Ýniversitet arhitektýrasy: jańa úlgiler men múmkindikter», «Tsifrlyq transformatsiia dəýirindegi meditsinalyq bilim berýdiń sapasy», «Stýdentke baǵyttalǵan ədis: basqarý jəne mədeniet» taqyryby aiasynda baiandamalar tyńdalady.
Akkreditteý jáne reiting táýelsiz agenttigi (IAAR) uiymdastyrǵan iri halyqaralyq forým sandyq transformatsiia jaǵdaiynda bilim berý salasyndaǵy úzdik tájiribeni talqylaý jáne almasý alańyn qurýǵa baǵyttaldy.
Ál-Farabi atyndaǵy QazUÝ-dyń Baspasóz qyzmeti
