Qazaqstan Prezidenti Qasym-Jomart Toqaev Qazaqstan Respýblikasynyń Ulttyq qaýipsizdik komitetinde kadrlyq ózgerister júrgizdi dep habarlaidy Dalanews.kz. Aqordanyń baspasóz qyzmetine silteme jasap.
Memleket basshysynyń ókimimen Irmenov Marat Ǵataullauly Ulttyq qaýipsizdik komiteti Tóraǵasynyń orynbasary laýazymyna taǵaiyndaldy.
Taǵy bir Memleket basshysynyń ókimimen Dalmatov Qanatai Jorabekuly Ulttyq qaýipsizdik komiteti Tóraǵasynyń orynbasary laýazymynan bosatyldy.
2022 jylǵy qańtar aiynda Marat Irmenov Almaty qalasy boiynsha UQK departamentiniń bastyǵy bolyp taǵaiyndaldy. Buǵan deiin, 2020 jyldyń aqpan aiynan bastap, ol Qordai aýdanyndaǵy tártipsizdikterden keiin Jambyl oblysy boiynsha UQK departamentiniń bastyǵy qyzmetin atqarǵan.
2016 jyldan 2020 jylǵa deiin Aqtóbe oblysy boiynsha UQK departamentiniń bastyǵy boldy. Odan buryn Irmenov Almaty qalasy boiynsha UQK departamenti bastyǵynyń birinshi orynbasary qyzmetin atqarǵan.
Qanatai Jorabekuly Dalmatov 2024 jyldyń qazan aiynan beri UQK tóraǵasynyń orynbasary laýazymynda boldy.
Buǵan deiin ol 2023–2024 jyldary Qazaqstan Qarýly Kúshteriniń Bas barlaý basqarmasynyń (BBB) bastyǵy qyzmetin atqarǵan. 2000–2023 jyldary ulttyq qaýipsizdik organdarynda jáne Shekara qyzmetinde jedel jáne basshylyq laýazymdarda qyzmet etken.
