قازاقستان پرەزيدەنتٸ قاسىم-جومارت توقاەۆ قازاقستان رەسپۋبليكاسىنىڭ ۇلتتىق قاۋٸپسٸزدٸك كوميتەتٸندە كادرلىق ٶزگەرٸستەر جٷرگٸزدٸ دەپ حابارلايدى Dalanews.kz. اقوردانىڭ باسپاسٶز قىزمەتٸنە سٸلتەمە جاساپ.
مەملەكەت باسشىسىنىڭ ٶكٸمٸمەن يرمەنوۆ مارات عاتاۇللاۇلى ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى لاۋازىمىنا تاعايىندالدى.
تاعى بٸر مەملەكەت باسشىسىنىڭ ٶكٸمٸمەن دالماتوۆ قاناتاي جورابەكۇلى ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى لاۋازىمىنان بوساتىلدى.
2022 جىلعى قاڭتار ايىندا مارات يرمەنوۆ الماتى قالاسى بويىنشا ۇقك دەپارتامەنتٸنٸڭ باستىعى بولىپ تاعايىندالدى. بۇعان دەيٸن, 2020 جىلدىڭ اقپان ايىنان باستاپ, ول قورداي اۋدانىنداعى تەرتٸپسٸزدٸكتەردەن كەيٸن جامبىل وبلىسى بويىنشا ۇقك دەپارتامەنتٸنٸڭ باستىعى قىزمەتٸن اتقارعان.
2016 جىلدان 2020 جىلعا دەيٸن اقتٶبە وبلىسى بويىنشا ۇقك دەپارتامەنتٸنٸڭ باستىعى بولدى. ودان بۇرىن يرمەنوۆ الماتى قالاسى بويىنشا ۇقك دەپارتامەنتٸ باستىعىنىڭ بٸرٸنشٸ ورىنباسارى قىزمەتٸن اتقارعان.
قاناتاي جورابەكۇلى دالماتوۆ 2024 جىلدىڭ قازان ايىنان بەرٸ ۇقك تٶراعاسىنىڭ ورىنباسارى لاۋازىمىندا بولدى.
بۇعان دەيٸن ول 2023–2024 جىلدارى قازاقستان قارۋلى كٷشتەرٸنٸڭ باس بارلاۋ باسقارماسىنىڭ (ببب) باستىعى قىزمەتٸن اتقارعان. 2000–2023 جىلدارى ۇلتتىق قاۋٸپسٸزدٸك ورگاندارىندا جەنە شەكارا قىزمەتٸندە جەدەل جەنە باسشىلىق لاۋازىمداردا قىزمەت ەتكەن.
