Qyzylorda qalasyndaǵy Óner ortalyǵynda ótken merekelik saltanatty sharada oblys ákimi Nurlybek Nálibaev aimaq turǵyndaryn Ulttyq mereke – Respýblika kúnimen quttyqtap, óńirdiń damý baǵyttary men jetistikterine toqtaldy dep habarlaidy Dalanews.kz. Qyzylorda oblysy ákiminiń baspasóz qyzmetine silteme jasap.
«Barshańyzdy ulttyq merekemiz – Respýblika kúnimen shyn júrekten quttyqtaimyn!Respýblika kúni – halqymyzdyń rýhyn kóterip, eldigimizdi nyǵaitatyn, birligimizdi bekemdep, yntymaǵymyzdy arttyratyn mańyzdy mereke.
Prezidentimiz Qasym-Jomart Kemeluly Toqaev: «Bul – qazaqtyń memlekettilik dástúri qaita jańǵyrǵan tarihi kún. Kók túrikter dáýirinen, Altyn Orda, Qazaq handyǵy zamanynan kele jatqan eldigimiz tamyryn tapqan kún. Bul – Alash arystarynyń azattyq jolyndaǵy arpalysy aqtalǵan kún» - dep atap ótti oblys ákimi.
«Babalarymyzdyń armany bolǵan azattyqty aialaý, halqymyzdyń tatýlyǵyn saqtaý – bárimizdiń basty muratymyz», – dedi aimaq basshysy.
Oblys ákimi óz sózinde óńirdiń áleýmettik-ekonomikalyq damýyndaǵy oń ózgeristerge de nazar aýdardy.
Biyl oblystyń jalpy óńirlik ónim kólemi 3 trln. teńgeden asady. Sońǵy úsh jylda aimaq ekonomikasyna 1 trillion 600 mlrd. teńge investitsiia quiylsa, osy jyly 720 mlrd. teńgeden astam investitsiia tartylady. 2025-2028 jyldary quny 2 trln. teńgeden asatyn 89 investitsiialyq joba aiasynda 11 myńnan astam jańa jumys orny ashylady.
Prezident penÚkimettiń erekshe qoldaýymen oblys biýdjeti - 851 mlrd. 300 mln. teńgege jetip, 2022 jyldan beri 233 paiyzǵa ósti. Onyń 56 paiyzy áleýmettik salaǵa baǵyttaldy. Damý biýdjetiniń kólemi 2021 jyly 47 mlrd. teńge bolsa, biyl 207 mlrd. teńgege jetip, 4,5 ese artty.
Bul qarajat halyqtyń ómir sapasyn arttyrýǵa, jańa infraqurylymdyq jobalardy júzege asyrýǵa jáne óńirdiń ózekti máselelerin sheshýge baǵyttalýda.
Respýblika kúnine arnalǵan saltanatta el damýyna súbeli úles qosqan birqatar azamattarǵa memlekettik nagradalar tabystaldy.
Merekelik is-shara oblys ónerpazdarynyń kontsertine ulasty.
Qyzylorda oblysy ulttyq merekeni tolaiym tabystarmen, jarqyn jetistiktermen jáne eldik rýhty asqaqtatqan qýanyshpen qarsy aldy.
