Respýblika kúni qarsańynda Katonqaraǵai aýdanynyń turǵyndary eki birdei kópten kútken syilyqqa ie boldy – Topqaiyn aýylynda jańa aýyzsý júiesi paidalanýǵa berilip, aýdan ortalyǵynda zamanaýi dene shynyqtyrý-saýyqtyrý kesheni ashyldy, dep habarlaidy Dalanews.kz.
Topqaiyndyqtar úshin bul oqiǵa erekshe mańyzǵa ie. Kóp jyldan beri alǵash ret aýylǵa taza, sapaly aýyz sý jetkizý júiesi iske qosyldy. Endi sý ár úige turaqty túrde berilip, aýyl turǵyndarynyń turmys sapasy aitarlyqtai jaqsaratyn bolady.
Aýyzsý jelisin jańǵyrtý jumystary 2021 jyldan beri júrgizilip, oblys basshylyǵy men quqyq qorǵaý organdarynyń erekshe baqylaýynda boldy. Negizgi qiyndyq artezian uńǵymasyn burǵylaý kezinde týyndady – qatty jartas qabattarynyń kesirinen tehnika táýligine nebary 20–30 santimetrge ǵana jyljyp otyrdy. Oblys ákimi Nurymbet Saqtaǵanovtyń tapsyrmasymen jobany júzege asyrýǵa senimdi qosalqy merdiger tartylyp, qurylys qarqyny jedeldetilip, nysan ýaqytyly aiaqtaldy.
Taǵy bir mańyzdy jańalyq – Katonqaraǵai aýylynda dene shynyqtyrý-saýyqtyrý kesheniniń ashylýy. Bul nysan óńirdegi eń kóp talqylanǵan uzaq qurylystardyń biri bolǵan edi. Oblys basshylyǵynyń qoldaýy men merdiger uiymdardyń júieli jumysynyń arqasynda qurylys sátti aiaqtaldy.
Jańa keshende zamanaýi sport zaldary, kiim aýystyratyn bólmeler jáne túrli sport túrlerimen ainalysýǵa arnalǵan oryndar bar. Ol jastar men sport súier qaýym úshin tartylys ortalyǵyna ainalyp, buqaralyq sportty damytý men salaýatty ómir saltyn qalyptastyrýǵa múmkindik beredi.
Osylaisha, eldiń basty merekesi qarsańynda Katonqaraǵai aýdanynyń turǵyndary kúndelikti ómir sapasyn arttyratyn jáne óńirdiń oń ózgeristerin beineleitin eki mańyzdy nysanǵa qol jetkizdi.
