رەسپۋبليكا كٷنٸ قارساڭىندا كاتونقاراعاي اۋدانىنىڭ تۇرعىندارى ەكٸ بٸردەي كٶپتەن كٷتكەن سىيلىققا يە بولدى – توپقايىن اۋىلىندا جاڭا اۋىزسۋ جٷيەسٸ پايدالانۋعا بەرٸلٸپ, اۋدان ورتالىعىندا زاماناۋي دەنە شىنىقتىرۋ-ساۋىقتىرۋ كەشەنٸ اشىلدى, دەپ حابارلايدى Dalanews.kz.
توپقايىندىقتار ٷشٸن بۇل وقيعا ەرەكشە ماڭىزعا يە. كٶپ جىلدان بەرٸ العاش رەت اۋىلعا تازا, ساپالى اۋىز سۋ جەتكٸزۋ جٷيەسٸ ٸسكە قوسىلدى. ەندٸ سۋ ەر ٷيگە تۇراقتى تٷردە بەرٸلٸپ, اۋىل تۇرعىندارىنىڭ تۇرمىس ساپاسى ايتارلىقتاي جاقساراتىن بولادى.
اۋىزسۋ جەلٸسٸن جاڭعىرتۋ جۇمىستارى 2021 جىلدان بەرٸ جٷرگٸزٸلٸپ, وبلىس باسشىلىعى مەن قۇقىق قورعاۋ ورگاندارىنىڭ ەرەكشە باقىلاۋىندا بولدى. نەگٸزگٸ قيىندىق ارتەزيان ۇڭعىماسىن بۇرعىلاۋ كەزٸندە تۋىندادى – قاتتى جارتاس قاباتتارىنىڭ كەسٸرٸنەن تەحنيكا تەۋلٸگٸنە نەبارى 20–30 سانتيمەترگە عانا جىلجىپ وتىردى. وبلىس ەكٸمٸ نۇرىمبەت ساقتاعانوۆتىڭ تاپسىرماسىمەن جوبانى جٷزەگە اسىرۋعا سەنٸمدٸ قوسالقى مەردٸگەر تارتىلىپ, قۇرىلىس قارقىنى جەدەلدەتٸلٸپ, نىسان ۋاقىتىلى اياقتالدى.
تاعى بٸر ماڭىزدى جاڭالىق – كاتونقاراعاي اۋىلىندا دەنە شىنىقتىرۋ-ساۋىقتىرۋ كەشەنٸنٸڭ اشىلۋى. بۇل نىسان ٶڭٸردەگٸ ەڭ كٶپ تالقىلانعان ۇزاق قۇرىلىستاردىڭ بٸرٸ بولعان ەدٸ. وبلىس باسشىلىعىنىڭ قولداۋى مەن مەردٸگەر ۇيىمداردىڭ جٷيەلٸ جۇمىسىنىڭ ارقاسىندا قۇرىلىس سەتتٸ اياقتالدى.
جاڭا كەشەندە زاماناۋي سپورت زالدارى, كيٸم اۋىستىراتىن بٶلمەلەر جەنە تٷرلٸ سپورت تٷرلەرٸمەن اينالىسۋعا ارنالعان ورىندار بار. ول جاستار مەن سپورت سٷيەر قاۋىم ٷشٸن تارتىلىس ورتالىعىنا اينالىپ, بۇقارالىق سپورتتى دامىتۋ مەن سالاۋاتتى ٶمٸر سالتىن قالىپتاستىرۋعا مٷمكٸندٸك بەرەدٸ.
وسىلايشا, ەلدٸڭ باستى مەرەكەسٸ قارساڭىندا كاتونقاراعاي اۋدانىنىڭ تۇرعىندارى كٷندەلٸكتٸ ٶمٸر ساپاسىن ارتتىراتىن جەنە ٶڭٸردٸڭ وڭ ٶزگەرٸستەرٸن بەينەلەيتٸن ەكٸ ماڭىزدى نىسانعا قول جەتكٸزدٸ.
