25 qazan – Respýblika kúni merekesine orai Qonaev qalasynyń Ortalyq alańynda úlken merekelik shara uiymdastyryldy, dep habarlaidy Dalanews.kz
Keshki baǵdarlama saǵat 17:00-de bastalyp, tanymal estrada juldyzdarynyń qatysýymen kontsert ótti. Qonaev qalasynyń turǵyndary men qonaqtaryna Esko, Ray jáne Nursultan Nurberdiev siiaqty tanymal estrada juldyzdary merekelik kesh syilady.
Oblys ákimdiginiń málimetinshe, biyl elimiz Memlekettik egemendik týraly deklaratsiianyń qabyldanǵanyna 35 jyl tolýyn atap ótýde. Bul tarihi qujat – qazirgi Qazaqstannyń táýelsiz memleket retinde qalyptasý jolynyń bastaýy.
«Respýblika kúnine orai óńirde júzdegen merekelik is-sharalar uiymdastyrylýda. Olardyń qatarynda biznes qaýymdastyǵynyń ókilderimen kezdesýler, jastarǵa arnalǵan ekskýrsiialar, forýmdar men konferentsiialar bar. Al 25 qazanda Qonaev qalasynyń Ortalyq alańynda kúndizgi jáne keshki kontsertter ótip, merekeniń sharyqtaý shegi retinde erekshe dron-shoý usynyldy. Bul is-shara demeýshilerdiń qoldaýymen ótkizilip, turǵyndar men qonaqtarǵa tamasha syilyq boldy», – delingen ákimdik habarlamasynda.
