Qazaqstanda dárigerler aldaǵy JRVI men «gonkong tumaýy» maýsymynyń jaqyndap kele jatqanyn eskertti dep habarlaidy Dalanews.kz. Jetinshi arnaǵa silteme jasap.
Aǵymdaǵy epidemiialyq maýsym bastalǵaly beri Qazaqstanda zerthanalyq túrde rastalǵan A tipti tumaýdyń úsh jaǵdaiy tirkeldi. Bul virýs halyq arasynda «jańa gonkong tumaýy» degen atpen belgili.
Sanitarlyq-epidemiologiialyq baqylaý komitetiniń málimetinshe, bul virýs túri tez damýyymen erekshelenedi. Juqtyrǵannan keiin 1–2 kún ishinde joǵary temperatýra, qurǵaq jótel, bulshyq ettiń syrqyraýy men bas aýrýy siiaqty belgiler paida bolýy múmkin.
Qorǵanýdyń basty sharalarynyń biri – vaktsinatsiia bolyp qala beredi: elde ózekti shtamdardy qamtityn eki millionnan astam vaktsina dozasy satyp alyndy. Onymen erikti túrde ekpe alýǵa bolady.
Bul arada JRVI-men syrqattaný deńgeii tómendep keledi: sońǵy aptada 142,5 myń jaǵdai tirkeldi — bul ótken jyldyń dál osy kezeńimen salystyrǵanda 13 paiyzǵa az.
Dárigerlerdiń aitýynsha, «gonkong tumaýy» — jańa virýs emes, maýsymdyq tumaýdyń burynnan belgili shtamdarynyń biri. Degenmen ol halyqtyń álsiz toptary úshin aitarlyqtai qaýipti bolýy múmkin.
