Qasym-Jomart Toqaev Taza Qazaqstan aktsiiasy aiasynda sóz sóilep, janýarlarǵa qamqorlyq mádenietin qalyptastyrýdyń mańyzyn atap ótti, dep habarlaidy Dalanews.kz
Memleket basshysy úi janýarlaryn qorǵaý jáne olarǵa qatygezdik kórsetýdiń aldyn alý máselesine erekshe toqtaldy. Onyń aitýynsha, janýarlardy qaraýsyz qaldyrý men kóshege tastap ketý – qańǵybas itter sanynyń artýyna sebep bolyp otyr.
Prezident Úkimetke úi janýarlaryn durys kútpegenderge qatysty ákimshilik jaýapkershilikti qatańdatýdy, al olarǵa qatygezdik kórsetkenderge arnalǵan qylmystyq jazany kúsheitýdi usyndy.
«Úi janýarlarynyń adamdardan qorlyq kórýine jol bermeý kerek», – dedi Qasym-Jomart Toqaev.
Sondai-aq ol mamandandyrylǵan janýarlar ortalyqtarynyń jumysyn qoǵam baqylaýyna alýdyń mańyzyn aityp, bul baǵytta «haipqa» jol bermeý kerektigin eskertti.
Prezidenttiń aitýynsha, óńirlerde qańǵybas itter máselesi ózekti bolyp otyr, tipti balalar men eresekterdiń de zardap shegýi jiilegen. Sondyqtan bul másele memleket pen qoǵamnyń birlesken áreketin talap etedi.
Memleket basshysy janýarlarǵa janashyrlyqpen qaraý qoǵamnyń mádeni deńgeiin kórsetetinin aityp, bul baǵyttaǵy bastamalar Taza Qazaqstan aiasynda jalǵasatynyn jetkizdi.
