Shymkent qalasynyń qylmystyq ister jónindegi aýdanaralyq sotynda blogerge qatysty qylmystyq is qaraldy. Sot ony iri mólsherde múlik alý maqsatynda qorqytyp alýshylyq jasaǵany úshin kináli dep tanydy, dep habarlaidy Dalanews.kz
Sot materialdaryna sáikes, sottalýshy 2025 jyldyń qazan aiynda áleýmettik jelide Shymkent qalasy ákimdiginiń bedeline nuqsan keltiretin jazba jariialaǵan. Keiin ákimdik ókilimen kezdesýde 10 mln teńgege aqparattyq memlekettik tapsyrys sharty jasalýyn talap etken.
Eger bul talap oryndalmasa, ol ákimdikti masqaralaityn jazbalardy óz paraqshasynda jariialaitynyn aityp qorqytqan.
2025 jylǵy 6 qarashada sottalýshy 990 myń teńgeni anasynyń banktik esepshotyna aýdartý arqyly alǵan.
Sot otyrysynda aiyptalýshy kinásin ishinara moiyndap, ózin bas bostandyǵynan aiyrmaýdy surady.
Sot onyń shyn ókinýin, asyraýynda bes kámeletke tolmaǵan balasynyń bolýyn jáne keltirilgen zalaldyń ótelýin jeńildetetin mán-jai retinde eskerdi. Aýyrlatatyn jaǵdailar anyqtalmaǵan.
Sot úkimimen bloger Qazaqstan Respýblikasy Qylmystyq kodeksiniń 194-baby 3-bóligi 2-tarmaǵy boiynsha kináli dep tanylyp, 5 jylǵa bas bostandyǵynan aiyryldy. Sondai-aq osy merzimge buqaralyq aqparat quraldary salasynda qyzmetpen ainalysý quqyǵynan aiyryldy.
Úkim zańdy kúshine engen joq.
