Búgin oblys boiynsha 21 myńnan asa adam «Taza Qazaqstan» jalpyulttyq baǵdarlamasy aiasyndaǵy respýblikalyq aǵash otyrǵyzý aktsiiasyna belsendi qatysty, dep habarlaidy Dalanews.kz
Aqtóbe qalasyndaǵy «Triatlon» saiabaǵynda uiymdastyrylǵan aýqymdy is-shara 800-den astam adamnyń basyn biriktirdi. Olardyń ishinde eńbek ardagerlerleri, oblystyq jáne qalalyq máslihat depýtattary, oblystyq jáne qalalyq qoǵamdyq keńes músheleri, memlekettik organdardyń qyzmetshileri, jastar jáne «Jasyl el» eńbek jasaǵy, tipti ózderi belsendilik tanytyp kelgen qala turǵyndary da boldy.
Tabiǵi resýrstar jáne tabiǵatty paidalanýdy retteý basqarmasynyń deregine súiensek, óńirde 10 myńdai kóshet otyrǵyzylsa, sonyń 500-ge jýyq «Triatlon» aýmaǵyna egildi. Onyń ishinde jemis aǵashtary aqqaiyń, shyrsha, sheten jáne taǵy da basqa aǵash túrleri bar.
Aktsiiaǵa oblys ákimi Ashat Shaharov ta qatysyp, shyrsha aǵashyn otyrǵyzdy. Aimaq basshysy mundai bastamalar óńirdiń ekologiialyq ahýalyn jaqsartýmen qatar, qoǵamda tazalyq pen jaýapkershilik mádenietin qalyptastyrýǵa yqpal etetinin alǵa tartty.
Budan bólek, «Taza Qazaqstan» baǵdarlamasy aiasynda Aqtóbe óńirinde ekiailyq senbilik ótkizilýde. Búgin aqtóbelikter 1100 gektar aýmaqta tazalyq jumystaryn júrgizdi.
