Shymkenttik avtobloger ári zańger Rýslan Janpeiisov 4 táýlikke qamaýǵa alyndy, dep habarlaidy Dalanews.kz "OTYRAR"-ǵa silteme jasap.
Ol politsiia qyzmetkeriniń «ókimine nemese zańdy talabyna baǵynbaǵany» (Ákimshilik kodekstiń 667-babynyń 1-bóligi) boiynsha kináli dep tanyldy. Qalalyq ákimshilik sot ony 4 táýlikke qamaýǵa aldy. Jaza merzimi 22 sáýirden bastap esepteledi.
22 sáýir kúni Rýslan Janpeiisov atymen tanylǵan Beibarys Raiymbekovty politseiler jumys ornynan ustaǵan. Tergeý izoliatoryna jetkizilgennen keiin oǵan qatysty qamaý týraly hattama toltyrylǵan. Sol kezde Janpeiisovke dál osy bap boiynsha aiyp taǵylyp, Báidibek bi dańǵyly boiynda reid júrgizip jatqan qyzylordalyq politsiia qyzmetkerleriniń «zańdy talaptaryna baǵynbady, olardyń jumysyna kedergi keltirdi, qurmetsizdik tanytty» degen aiyptar taǵylǵan edi. Alaida keshe sot onyń áreketterinde quqyqbuzýshylyq joq dep tanyp, isti qysqartqan.
Al búgingi is boiynsha Janpeiisovtiń Táýke han kóshesi boiynda reid júrgizip jatqan qaraǵandylyq politsiia qyzmetkerlerine jaqyndap, olardyń is-áreketterin videoǵa túsirgen sátteri qaralǵan. Bul videolar is materialdaryna dálel retinde tirkelgen.
