Astana qalasynda 10 qabatty turǵyn úıden órt shyqty. Oqıǵa Saraıshyk aýdanyndaǵy Q. Ázerbaev kóshesi boıynda ornalasqan úıde bolǵan, dep habarlaıdy Dalanews.kz
Qazaqstan TJM málimetinshe, alǵashqy órt sóndirý bólimsheleri jetken kezde ǵımarattyń 7-qabatyndaǵy páter janyp jatqan. Sondaı-aq kireberisti tútin basqan.
Qutqarýshylar órt sóndirý qondyrǵylaryn dereý iske qosyp, jalyndy aýyzdyqtaýǵa kirisken. Oqıǵa ornynda jedel shtab qurylyp, birneshe ýchaskede sóndirý jumystary júrgizilýde. Turǵyndardy evakýasıalaý uıymdastyrylǵan.
Vedomstvonyń habarlaýynsha, zardap shekkender týraly 112 qyzmetine aqparat túspegen.
Qazirgi ýaqytta órtti tolyq sóndirý jumystary jalǵasyp jatyr. Oqıǵanyń mán-jaıy anyqtalýda.
