استانا قالاسىندا 10 قاباتتى تۇرعىن ۇيدەن ءورت شىقتى. وقيعا سارايشىك اۋدانىنداعى ق. ازەربايەۆ كوشەسى بويىندا ورنالاسقان ۇيدە بولعان، دەپ حابارلايدى Dalanews.kz
قازاقستان تجم مالىمەتىنشە، العاشقى ءورت ءسوندىرۋ بولىمشەلەرى جەتكەن كەزدە عيماراتتىڭ 7-قاباتىنداعى پاتەر جانىپ جاتقان. سونداي-اق كىرەبەرىستى ءتۇتىن باسقان.
قۇتقارۋشىلار ءورت ءسوندىرۋ قوندىرعىلارىن دەرەۋ ىسكە قوسىپ، جالىندى اۋىزدىقتاۋعا كىرىسكەن. وقيعا ورنىندا جەدەل شتاب قۇرىلىپ، بىرنەشە ۋچاسكەدە ءسوندىرۋ جۇمىستارى جۇرگىزىلۋدە. تۇرعىنداردى ەۆاكۋاسيالاۋ ۇيىمداستىرىلعان.
ۆەدومستۆونىڭ حابارلاۋىنشا، زارداپ شەككەندەر تۋرالى 112 قىزمەتىنە اقپارات تۇسپەگەن.
قازىرگى ۋاقىتتا ءورتتى تولىق ءسوندىرۋ جۇمىستارى جالعاسىپ جاتىر. وقيعانىڭ ءمان-جايى انىقتالۋدا.
