قازاقستاندىق شاحماتشى, ەلەم چەمپيونى **بيبٸسارا اساۋباەۆا**نىڭ اناسى ليانا تاڭجارىقوۆا ەلەۋمەتتٸك جەلٸدەگٸ پاراقشاسىندا وتباسىعا بٶلٸنەتٸن قارجى تۋرالى پٸكٸر بٸلدٸردٸ, دەپ حابارلايدى dalanews.kz.
ونىڭ ايتۋىنشا, جۇرت اراسىندا سپورتشىنىڭ وتباسىنا مەملەكەتتەن قوماقتى قارجى بٶلٸنەدٸ دەگەن قاتە تٷسٸنٸك قالىپتاسقان.
«بٸز مەملەكەتتەن اي سايىن 320 مىڭ تەڭگە جەنە ەلەم چەمپيوناتىنداعى جەڭٸس ٷشٸن 2300 اقش دوللارى كٶلەمٸندە سىياقى الامىز. ماڭعىستاۋ وبلىستىق سپورت باسقارماسىنان ەشقانداي جالاقى المايمىز», – دەپ جازدى ول.
سونداي-اق تاڭجارىقوۆا Sport Qory سپورتتى قولداۋ قورى مەن فەدەراتسييا بٶلەتٸن قاراجاتتىڭ بيۋدجەت قارجىسى ەمەس ەكەنٸن اتاپ ٶتتٸ. ونىڭ سٶزٸنشە, بۇل قاراجات سپورتشى كومانداسىنىڭ جۇمىسىنا تٸكەلەي جۇمسالادى.
ول فەدەراتسييا جەلٸسٸ ارقىلى تٶلەنەتٸن بارلىق سىياقى مەن جٷلدە قاراجاتى سپورتشىنىڭ ادال ەڭبەگٸمەن تابىلعان جەكە تابىسى ەكەنٸن ايتتى.
«بٸز دە قازاقستاننىڭ ٶزگە ازاماتتارى سيياقتى سالىق تٶلەيمٸز», – دەدٸ ول.
ليانا تاڭجارىقوۆا مەملەكەتتٸك قارجىلاندىرۋ, جەكە دەمەۋشٸلٸك جەنە بيۋدجەتتەن تىس قاراجات ۇعىمدارىن شاتاستىرماۋعا شاقىردى.
«قورىتىندىلاي كەلە, مەملەكەتتٸك قارجىلاندىرۋدى, جەكە جەنە بيۋدجەتتەن تىس قاراجاتتى اجىراتا بٸلۋ ماڭىزدى. قانداي دا بٸر قورىتىندى جاساپ, كٶپشٸلٸك الدىندا مەلٸمدەمە جاساماس بۇرىن دەرەكتەردٸ تەكسەرگەن جٶن. ٶزگەنٸڭ ەڭبەگٸن قۇرمەتتەۋ – ٶز سٶزٸڭە جاۋاپكەرشٸلٸكپەن قاراۋدان باستالادى», – دەپ جازدى ول.
