Memleket basshysy «Taza Qazaqstan» respýblikalyq ekologiialyq aktsiiasyna qatysty. Qasym-Jomart Toqaev ekobelsendilermen birge elordanyń «Samal» saiabaǵynda aǵash otyrǵyzdy, dep habarlaidy Dalanews.kz
Prezidentke jaýapty memlekettik organ basshylary atqarylǵan jumys jaiynda baiandady.
Ekologiia jáne tabiǵi resýrstar ministri Erlan Nysanbaev «Taza Qazaqstan» aktsiiasy bastalǵan eki jyl ishinde 1,5 myń ekologiialyq is-shara uiymdastyrylǵanyn jetkizdi. Osy ýaqyt aralyǵynda 2 million tonna qoqys jinalyp, 5,5 millionǵa jýyq tal egilgen. Jyl saiyn bul bastamaǵa 6,5 million adam, sonyń ishinde 780 myń volonter qatysady.
Ministrdiń aitýynsha, 2021-2025 jyldary orman qoryn tolyqtyrý úshin 1 millionnan asa gektarǵa 1 648,4 million túp kóshet otyrǵyzylǵan. Eldi mekenderde bes jyl ishinde 18,4 million aǵash egildi. Aldaǵy ýaqytta 1 760 myń gektar jerdi qamtityn 46 ekoaýmaq qurylady.
Qyzylorda qalasynda jańadan salynǵan Prezident saiabaǵyndaǵy sharaǵa oblys ákimi Nurlybek Nálibaev, ardagerler men ziialy qaýym ókilderi, quqyq qorǵaý organdarynyń basshylary, oblystyq jáne qalalyq máslihat depýtattary, oblystyq basqarma, departament, inspektsiia basshylary men qyzmetkerleri, eriktiler, ekobelsendiler, jastar uiymdary jáne stýdentter qatysty.
Aktsiiaǵa aimaqtyń aýdandarynan, eldi mekenderinen 25 000 myńnan astam adam atsalysyp, 12 myńnan astam tal egildi, 325,7 gektar aýla tazartylyp, 320 tonnadan astam qoqys shyǵaryldy, 250-den astam tehnika jumyldyryldy.
Óńirde «Taza Qazaqstan» respýblikalyq ekologiialyq aktsiiasy aiasynda turǵyndardyń ómir súrýine qolaily jaǵdai jasaý baǵytynda keshendi jumystar júrgizilýde.
Kásipkerlerdiń demeýshiligimen ortalyq alańdar, demalys oryndary, oiyn, sport alańdary qaita jańǵyrtylyp, turǵyn úiler men áleýmettik nysandar zamanaýi úlgide jóndeýden ótkizilýde.
Qyzylorda qalasyndaǵy ortalyq alań, qalalyq mádeni-demalys parki, Qorqyt ata memorialdy alleiasy jańǵyrtylsa, Prezident saiabaǵy qaita salyndy. Onda zamanaýi sýburqaqtar, amfiteatr, sport, oiyn, bi, shahmat, basketbol, fýtbol alańdary, biiktigi 50 metrlik ainalmaly sholý dóńgelegi, velosiped jáne júgirý jolaqtary, sanitarlyq pýnktter ornatylǵan. Jalpy 31 gektarǵa 2 myńnan astam aǵash, 50 myńnan astam sándik buta jáne 17 túrli kópjyldyq gúl egildi.
Qazirgi tańda Prezident saiabaǵy aýmaǵynda 10 mlrd. teńgege jyldyń tórt mezgilinde úzdiksiz jumys isteitin 300 oryndyq zamanaýi balalar tynyǵý lageri, 5 mlrd. teńgege Botanikalyq bilim berý ortalyǵy (qysqy baq) salynýda. Jaqynda 9 mlrd. teńgege Syrdariia ózeni ústinen Prezident saiabaǵyn qalamen bailanystyratyn jaiaý júrginshiler kópiriniń qurylysy bastalady.
Bul jumystar barlyq aýdanda jalǵasyn taýyp, jańa demalys oryndary, alleialar ainalanyń sánin kirgizdi, kóshelerge abattandyrý, jaryqtandyrý jumystary atqarylýda.
Aýyldarda qolaily orta qalyptastyrý, turǵyndardy tazalyq sharalaryna yntalandyrý maqsatynda jyl saiyn «Úlgili eldi meken» konkýrsy ótkiziledi. Sońǵy úsh jylda 2 mlrd. 64 mln. teńge bólinip, úzdik eldi mekenderge 67 arnaiy tehnika tabystaldy.
Turmystyq qatty qaldyqtardy tiimdi basqarý, olardy suryptaý, óńdeý jáne kádege jaratý baǵytynda «Jasyl damý» AQ qarjylandyrýymen 98 mlrd.700 mln. teńgege 9 joba qolǵa alynǵan. Jańaqorǵan aýdanyndaǵy qatty qaldyqtardy suryptaý kesheni tolyq qarjylandyrylyp, qural-jabdyqtary jetkizildi. Qazirgi tańda iske qosylýda. Qalǵan 8 joba «Ónerkásipti damytý qory» saraptamasynan ótkizilip, qarjylandyrý úshin tiisti kelisimsharttar jasalýda.
Oblystyq biýdjetten 475 mln.teńgege Syrdariia aýdanynda suryptaý kesheni bar qatty turmystyq qaldyqtar poligony ashyldy. Taǵy eki jańa joba jasalyp, memlekettik saraptamadan ótkizildi, salalyq ministrlikke qarjylandyrý úshin usynyldy.
Qaldyqtardy suryptaý mádenietin qalyptastyrý maqsatynda oblys kóleminde 10 myńǵa jýyq konteiner ornatyldy. Kópqabatty turǵyn úiler, iri saýda oryndary, áýejai men temirjol vokzaly aýmaqtarynda shyny, plastik jáne qaǵaz qaldyqtaryn suryptap jinaý úshin arnaiy ekobokstar qarastyrylǵan.
Qyzylorda qalasyndaǵy 83 eski kópqabatty turǵyn úidiń qasbetteri zamanaýi paneldermen jańartyldy, bul jumystar 58 turǵyn úige 2 mlrd. 893 mln. teńgege biýdjet esebinen, 27 turǵyn úige demeýshilik esebinen jasaldy. Biyl 900 mln.teńgege qosymsha 21 turǵyn úidiń qasbetterin qaptaý josparlanǵan.
Halyq arasynda ekologiialyq mádenietti qalyptastyrý, ekologiialyq bilim berý, aǵartý sharalary «Jasyl balabaqsha»,«Jas ekolog»,«Jasyl mektep», «Tabiǵat saqshylary» jobalary aiasynda júzege asyrylyp keledi.
