Qazaqstanda júrgizýshi kýáligin alǵash ret alatyn azamattar úshin rásimdeý tártibi ózgerdi. Endi olar ótinimdi «HQKO» mobildi qosymshasy arqyly bere alady, dep habarlaidy Dalanews.kz «Azamattarǵa arnalǵan úkimet» memlekettik korporatsiiasynyń baspasóz qyzmetine silteme jasap.
Ótinim birneshe qadam boiynsha beriledi
Jańa fýnktsiianyń kómegimen azamattar mamandandyrylǵan bólimshege barmai-aq, birneshe qadamda onlain ótinim bere alady.
Bar bolǵany úsh negizgi talap qajet:
- meditsinalyq anyqtama;
- avtokóliktik oqý ornyn bitirgeni týraly kýálik;
- júrgizýshi kýáligin alýǵa shekteýdiń bolmaýy.
Barlyq málimetter memlekettik derekter bazasymen avtomatty túrde tekseriledi.
Emtihan men tólem tártibi
Ótinim jiberilgennen keiin azamat ózi úshin yńǵaily teoriialyq jáne praktikalyq emtihan tapsyrý ýaqytyn tańdai alady.
Memlekettik baj salyǵy emtihandar sátti tapsyrylǵan soń mamandandyrylǵan HQKO operatory arqyly tólenedi.
Joba maqsaty – tsifrlandyrý jáne yńǵailylyq
Bastama - Ishki ister ministrligi men Jasandy intellekt jáne tsifrlyq damý ministrliginiń birlesken jobasy.
Maqsat – júrgizýshi kýáligin rásimdeý rásimin jeńildetip, tsifrlyq tehnologiialardy engizý.
Qyzmet eldiń barlyq óńirinde qoljetimdi.
Pilottyq joba 2026 jylǵy 1 qyrkúiekke deiin jalǵasady. Osy kezeńde onyń tiimdiligi men suranysy baǵalanyp, turaqty túrde engizý týraly sheshim qabyldanady.
Qosymsha múmkindikter
«HQKO» mobildi qosymshasy arqyly azamattar:
- emtihanǵa jazyla alady;
- synaq júrgizýge tirkele alady;
- kólik satý-satyp alý shartyn rásimdei alady;
- avtokóliktiń tarihyn tekserip, ózge de elektrondy qyzmetterdi paidalana alady.
