قازاقستاندا جۇرگىزۋشى كۋالىگىن العاش رەت الاتىن ازاماتتار ءۇشىن راسىمدەۋ ءتارتىبى وزگەردى. ەندى ولار ءوتىنىمدى «حقكو» ءموبيلدى قوسىمشاسى ارقىلى بەرە الادى، دەپ حابارلايدى Dalanews.kz «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسپا ءسوز قىزمەتىنە سىلتەمە جاساپ.
ءوتىنىم بىرنەشە قادام بويىنشا بەرىلەدى
جاڭا فۋنكسيانىڭ كومەگىمەن ازاماتتار مامانداندىرىلعان بولىمشەگە بارماي-اق، بىرنەشە قادامدا ونلاين ءوتىنىم بەرە الادى.
بار بولعانى ءۇش نەگىزگى تالاپ قاجەت:
- مەديسينالىق انىقتاما؛
- اۆتوكولىكتىك وقۋ ورنىن بىتىرگەنى تۋرالى كۋالىك؛
- جۇرگىزۋشى كۋالىگىن الۋعا شەكتەۋدىڭ بولماۋى.
بارلىق مالىمەتتەر مەملەكەتتىك دەرەكتەر بازاسىمەن اۆتوماتتى تۇردە تەكسەرىلەدى.
ەمتيحان مەن تولەم ءتارتىبى
ءوتىنىم جىبەرىلگەننەن كەيىن ازامات ءوزى ءۇشىن ىڭعايلى تەوريالىق جانە پراكتيكالىق ەمتيحان تاپسىرۋ ۋاقىتىن تاڭداي الادى.
مەملەكەتتىك باج سالىعى ەمتيحاندار ءساتتى تاپسىرىلعان سوڭ مامانداندىرىلعان حقكو وپەراتورى ارقىلى تولەنەدى.
جوبا ماقساتى – سيفرلاندىرۋ جانە ىڭعايلىلىق
باستاما - ىشكى ىستەر مينيسترلىگى مەن جاساندى ينتەللەكت جانە سيفرلىق دامۋ مينيسترلىگىنىڭ بىرلەسكەن جوباسى.
ماقسات – جۇرگىزۋشى كۋالىگىن راسىمدەۋ ءراسىمىن جەڭىلدەتىپ، سيفرلىق تەحنولوگيالاردى ەنگىزۋ.
قىزمەت ەلدىڭ بارلىق وڭىرىندە قولجەتىمدى.
پيلوتتىق جوبا 2026 جىلعى 1 قىركۇيەككە دەيىن جالعاسادى. وسى كەزەڭدە ونىڭ تيىمدىلىگى مەن سۇرانىسى باعالانىپ، تۇراقتى تۇردە ەنگىزۋ تۋرالى شەشىم قابىلدانادى.
قوسىمشا مۇمكىندىكتەر
«حقكو» ءموبيلدى قوسىمشاسى ارقىلى ازاماتتار:
- ەمتيحانعا جازىلا الادى؛
- سىناق جۇرگىزۋگە تىركەلە الادى؛
- كولىك ساتۋ-ساتىپ الۋ شارتىن راسىمدەي الادى؛
- اۆتوكولىكتىڭ تاريحىن تەكسەرىپ، وزگە دە ەلەكتروندى قىزمەتتەردى پايدالانا الادى.
