Atyraý oblysy prokýratýrasy bekire tuqymdas balyq pen ýyldyryqty zańsyz satyp alǵany úshin qylmystyq jaýapkershilik qarastyrylǵanyn eskertti, dep habarlaidy Dalanews.kz
Vedomstvo málimetinshe, zańsyz aýlanǵan balyq ónimderine suranys brakonerlikti kúsheitip otyr. 2025 jyly óńirde ekologiia salasynda 30 quqyq buzýshylyq tirkelgen. Onyń 11 qylmystyq isi sotqa joldanyp, 10 adamǵa aiyptaý úkimi shyqqan.
Prokýratýra Qazaqstan Respýblikasy Qylmystyq kodeksiniń 339 jáne 339-1-baptaryna sáikes, tek brakonerler ǵana emes, sirek janýarlardy nemese olardyń ónimderin zańsyz satyp alatyn, saqtaityn, tasymaldaityn jáne satatyn azamattar da jaýapkershilikke tartylatynyn atap ótti.
Mysal retinde biyl Atyraý turǵyny sottalǵan. Onyń kóligin tintý kezinde 501,9 keli bekire balyǵy tabylǵan. Sot ony 7 jylǵa bas bostandyǵynan aiyryp, 304 mln teńgeden astam shyǵyn óndirýdi mindettedi.
Prokýratýra turǵyndardy shyǵý tegi kúmándi balyq pen ýyldyryqty satyp almaýǵa shaqyrdy.
