Qaraǵandylyqtar «Taza Qazaqstan» baǵdarlamasy aiasynda ótken respýblikalyq aǵash egý senbiligin belsendi túrde qoldady, dep habarlaidy Dalanews.kz
Memleket basshysy Qasym-Jomart Toqaev aýqymdy ekologiialyq aktsiiaǵa bastamashy bolyp, qatysýshylarǵa úndeý joldady.
Bul kúni Qaraǵandyda Qazaqstan táýelsizdiginiń 10 jyldyǵy atyndaǵy etnopark kógaldandyrýdyń negizgi alańyna ainaldy.
Munda bes myńǵa jýyq adam — qoǵam belsendileri, jastar, eriktiler jáne qorshaǵan ortaǵa beijai qaramaityn turǵyndar jinaldy.
Olar qaraǵai, qaiyń jáne terektiń bir jarym myń túp kóshetin otyrǵyzdy.
Oblys ákimi Ermaǵanbet Bólekpaev qatysýshylarǵa týǵan jerge degen janashyrlyǵy men jaily, jasyl qalalyq orta qalyptastyrýǵa qosqan úlesi úshin alǵys bildirdi.
– El Prezidentiniń bastamasymen eki jyl buryn «Taza Qazaqstan» ulttyq jobasy iske qosyldy. Oblys turǵyndary oǵan belsendi qatysýda: aǵash egedi, qoqys jinaidy, aýlalaryn retke keltiredi. Biznes ókilderi de shet qalǵan joq — kásiporyn ujymdary bul bastamany qoldady. Aldaǵy ýaqytta da barlyǵymyz birlesip jumysty jalǵastyramyz. Jalpy, biyl oblys boiynsha shamamen 60 myń aǵash egý josparlanyp otyr. Árbir kóshetke durys kútim qajet, bul rette mamandardyń usynymdary asa mańyzdy, – dedi Ermaǵanbet Bólekpaev.
Ekologiialyq mádenietti qalyptastyrýda jastarǵa úlken ról júkteledi.
Bul týraly óz úndeýinde Prezident Qasym-Jomart Toqaev taǵy bir márte atap ótti.
Qaraǵandy oblysy boiynsha «Jasyl El» respýblikalyq shtabynyń jetekshisi Sultan Shaimaǵanbet árbir ekologiialyq aktsiiaǵa qatysý iz-túzsiz ótpeitinine senimdi.
– Búgin munda jastar kóp jinaldy. «Taza Qazaqstan» — óte mańyzdy ideologiialyq bastama. Aǵash ekken jastar onyń ári qaraiǵy kútimi, ósýin qadaǵalaý jóninde oilanady. Bul olardy ósimdikter týraly kóbirek bilýge, olardy durys otyrǵyzyp, ósirý joldaryn meńgerýge yntalandyrady, – dedi jasyl qozǵalys kóshbasshysy.
Etnoparkte sondai-aq Qarqaraly ulttyq parkinen ákelingen 200 túp yrǵai kósheti egildi.
Osy bastama arqyly qyzmetkerler «Taza Qazaqstan» halyqaralyq «Saiabaqtar marshy» ekologiialyq aktsiiasymen úndesip jatqanyn kórsetti.
