Búgin «Taza Qazaqstan» ekologiialyq baǵdarlamasy aiasynda «Jasyl jelek» respýblikalyq aǵash egý aktsiiasy ótti. Memleket basshysy Qasym-Jomart Toqaevtyń qatysýymen telekópir bailanysy arqyly ótken shara elimizdiń barlyq óńirin qamtydy. Osy kúni Jetisý oblysynda aktsiiaǵa 15 myń adam qatysyp, 8 myńnan astam aǵash egildi, dep habarlaidy Dalanews.kz
Osy kúni Taldyqorǵandaǵy ortalyq bassein alańyndaǵy aǵash otyrǵyzý sharasyna oblys ákimi Beibit Isabaev jáne jastar uiymdarynyń ókilderi, eko-belsendiler qatysty. Sport nysanynyń aldyna 150 kóshet egildi.
Óńir basshysy aktsiiaǵa kelgen jastarmen áńgimelesip, olarmen pikir almasty.
- Búgingi jastardyń óz-ózin damytýǵa múmkindigi kóp. Qazir bilimdilerdiń zamany. Gadjetterdi neǵurlym paidaly, tiimdi jaǵynan paidalaný kerek. Ásirese tilderdi úirenýge, IT-tehnologiiany meńgerýge kóbirek kóńil bólseńizder, onyń bolashaqta igiligin kóresizder, - dedi B. Isabaev.
Oblystyq energetika jáne TÚKSh basqarmasynyń málimetinshe, oblys kóleminde aktsiiaǵa mekeme-uiymdar qyzmetkerleri, kommýnaldyq qyzmetter, kásiporyndar, eldi mekender turǵyndary, eko-belsendiler, eriktiler men jastar jalpy sany 15 myń adam qatysyp, 125 tehnika jumyldyrylǵan, 8 myńnan astam aǵash otyrǵyzyldy.
Taldyqorǵandaǵy aktsiiaǵa qatysýshy jastar pikir bildirdi.
- Taldyqorǵan indýstrialdy kolledjiniń 1-kýrs stýdentimin. Buǵan deiin Tekeli qalasynda da osyndai tazalyq jáne aǵash egý sharasyna qatysqanbyz. Ózime qoǵamdyq jumystarǵa qatysqan unaidy. Mundai sharalarda jastar bir-birimen aralasyp, tanysyp, jaqsy orta tabamyz. Ári tabiǵatqa qamqorlyq jasaýǵa birlesip jumylamyz. Bul bizdi uiymshyldyqqa, ekologiialyq mádenietimizdi qalyptastyrýǵa kómektesedi, - deid Darhan Jumaev.
Aǵash egýge jastar uiymdarynda belsendilik tanytyp júrgen oqýshylar da bar.
- Men eki jyldan beri Unisef jastar uiymynyń múshesimin. Ózim Nazarbaev ziiatkerlik mektebinde 10-synypta oqimyn. Biz balalardyń quqyǵyn qorǵaý baǵytynda aqparattandyrýmen ainalysamyz. «Jetisu Jastary» uiymymen birge osyndai ekologiialyq aktsiialarda belsendimiz. Bizdiń eko-volonterlyq týraly arnaiy kýrstarymyz bar, múshelerimizdi sol kýrstarla oqytamyz. Iaǵni ár eko-volonter óziniń bilgenin basqalarǵa da aityp, jetkizip, bilimimen bólisip úiretedi, - deidi Nurai Qojekenova.
Atap ótsek, osy kúni Astanada «KazEcoPatrol» qoǵamdyq birlestiginiń volonteri David Virgki Prezidenttiń qolynan Alǵys hat aldy.
