Almaty qalasy Naýryzbai aýdanyndaǵy Nazarbaev Ziiatkerlik mektebiniń 100 oqýshysy 25 qazan – Respýblika kúni merekesine orai dástúrli «Uly dala muragerleri» atty dombyrashylar fleshmobyn uiymdastyrdy.
Almaty qalasynyń iri oiyn-saýyq jáne saýda ortalyǵynda ótken sharada bir mezette júz dombyrashynyń oryndaýyndaǵy kúmbirlegen kúi áýeni jinalǵan jurtshylyqtyń erekshe yqylasyna bólendi. Dombyra úni men halyqqa keńinen tanys kúiler tyńdaýshylarǵa ulttyq rýh pen merekelik kóńil-kúi syilady.
Jas oryndaýshylar Nurǵisa Tilendievtiń «Ata tolǵaýy», “Álqissa”, Qurmanǵazynyń «Kishkentai», Ábdimomyn Jildebaevtyń «Erke sylqym» shyǵarmalaryn asa sheberlikpen , úiláesimdikpen oryndap, kórermenderge rýhani lázzat syilady. Sonymen qatar myń buralǵan bishiler qazaq biin bilep, jas ánshiler patriottyq ánderdi oryndady, oqýshylar Abaidyń baǵa jetpes murasynan óleńder oqydy.
Nazarbaev Ziiatkerlik mektebiniń bul dástúrli merekelik sharasy ulttyq mádeni murany dáripteýdi, el tarihyna degen qurmet pen jas urpaq boiynda otansúigishtik sezimin arttyrýdy maqsat etedi.
