الماتى قالاسى ناۋرىزباي اۋدانىنداعى نازاربايەۆ زياتكەرلىك مەكتەبىنىڭ 100 وقۋشىسى 25 قازان – رەسپۋبليكا كۇنى مەرەكەسىنە وراي ءداستۇرلى «ۇلى دالا مۇراگەرلەرى» اتتى دومبىراشىلار فلەشموبىن ۇيىمداستىردى.
الماتى قالاسىنىڭ ءىرى ويىن-ساۋىق جانە ساۋدا ورتالىعىندا وتكەن شارادا ءبىر مەزەتتە ءجۇز دومبىراشىنىڭ ورىنداۋىنداعى كۇمبىرلەگەن كۇي اۋەنى جينالعان جۇرتشىلىقتىڭ ەرەكشە ىقىلاسىنا بولەندى. دومبىرا ءۇنى مەن حالىققا كەڭىنەن تانىس كۇيلەر تىڭداۋشىلارعا ۇلتتىق رۋح پەن مەرەكەلىك كوڭىل-كۇي سىيلادى.
جاس ورىنداۋشىلار نۇرعيسا تىلەندييەۆتىڭ «اتا تولعاۋى»، “ءالقيسسا”، قۇرمانعازىنىڭ «كىشكەنتاي»، ءابدىمومىن جىلدەبايەۆتىڭ «ەركە سىلقىم» شىعارمالارىن اسا شەبەرلىكپەن ، ۇيلاەسىمدىكپەن ورىنداپ، كورەرمەندەرگە رۋحاني ءلاززات سىيلادى. سونىمەن قاتار مىڭ بۇرالعان بيشىلەر قازاق ءبيىن بيلەپ، جاس انشىلەر پاتريوتتىق اندەردى ورىندادى، وقۋشىلار ابايدىڭ باعا جەتپەس مۇراسىنان ولەڭدەر وقىدى.
نازاربايەۆ زياتكەرلىك مەكتەبىنىڭ بۇل ءداستۇرلى مەرەكەلىك شاراسى ۇلتتىق مادەني مۇرانى دارىپتەۋدى، ەل تاريحىنا دەگەن قۇرمەت پەن جاس ۇرپاق بويىندا وتانسۇيگىشتىك سەزىمىن ارتتىرۋدى ماقسات ەتەدى.
