Arys qalasyndaǵy aýrýhanada tórt jasar balanyń qazasynan keiin qyzmettik tekserý bastaldy. Balanyń ata-anasy dárigerlerdi salǵyrttyqpen áreket etti dep aiyptap otyr dep habarlaidy Dalanews.kz Jetinshi arnaǵa silteme jasap.
Reanimatsiiada kishkentai bala bir apta jatty. Ata-anasynyń aitýynsha, ol aýrýhanada meditsinalyq kómekti uzaq ýaqyt kútken soń komaǵa túsken. Olar ulyn túngi saǵat úshten keiin ákelgenin, al dáriger ony tek tańǵy 9-da qarap, medbike alty saǵat boiy kezekshi dárigerdi shaqyra almaǵanyn aitty.
«Bizge: «Jumaǵa deiin kúteiik, múmkin dári-dármekten keiin jaǵdaiy jaqsarar» dedi. Biraq meniń ulym sol ýaqytqa jetpei ketti… Biz kezekshi dárigerden suraimyz: «Nege kelmediń, balany qaramadyń? Alty saǵat qalai uiyqtadyń?» – dep, al ol úndemei turdy. Eger kómek ýaqytynda kórsetilse, meniń ulym qazir tiri bolar edi. Biz istiń muqiiat tergelýin talap etemiz, kináliler jazalanýy tiis», – dedi balanyń anasy.
Telekanaldyń málimetinshe, qazirgi ýaqytta aýrýhanada qyzmettik tekserý júrgizilýde. Politsiia ázirge osy tragediialyq oqiǵaǵa qatysty pikir bildirgen joq.
