Qytaidyń Ýsi qalasynda ótip jatqan 2025 jylǵy Álem chempionaty aiasynda World Taekwondo jáne qazaqstandyq «TOO Integra Construction» kompaniiasy úsh jyldyq seriktestik kelisimge qol qoidy. Bul áriptestik taekvondony álemdik deńgeide damytýǵa jáne beibitshilik, birlik, inkliýzivtilik siiaqty negizgi qundylyqtaryn nasihattaýǵa baǵyttalǵan.
Kelisimge World Taekwondo prezidenti doktor Chýngvon Choý jáne Qazaqstan taekvondo federatsiiasynyń (WT) prezidenti, «Integra Construction KZ» baqylaý keńesiniń tóraǵasy Kudrát Shámiev qol qoidy.
Kelisim boiynsha «Integra Construction KZ» álemdik taekvondony damytýǵa, sport pen áleýmettik bastamalardy qoldaýǵa baǵyttalǵan World Taekwondo baǵdarlamalaryna qarjylai qoldaý kórsetedi.
Qarajat «Barshaǵa arnalǵan taekvondo» jobalaryna, bosqyndarmen yntymaqtastyq baǵdarlamalaryna jáne jastarǵa arnalǵan bilim berý bastamalaryna jumsalady.
Sonymen qatar, seriktestik «Integra Construction» kompaniiasyna 2026–2027 jyldary ótetin World Taekwondo halyqaralyq jarystarynda keń marketingtik múmkindikter beredi. Brendti álemdi arenalarda, tikelei efirlerde jáne tsifrlyq media alańdarda tanystyrý kompaniia úshin mańyzdy qadam.
Kudrát Shámiev:
«Biz úshin bul tek sporttyq kelisim emes, bul Qazaqstan men Koreia arasyndaǵy dostyq pen ózara senimniń nyshany. Biz tek infraqurylym salmaimyz, sonymen birge elder arasyndaǵy senim kópirlerin quramyz. Bul seriktestik Qazaqstannyń ashyqtyǵyn jáne turaqty damý men ESG kórsetkishterin jaqsartýǵa umtylysyn kórsetedi».
Kelisim aiasynda Qazaqstan álemdik taekvondo ortalyǵyna ainala beredi: 2026 jyly Astanada WT Gran-pri finaly jáne WT Gala Awards saltanaty ótedi, al 2027 jyly elorda Álem chempionatyn qabyldaidy.
Eske salaiyq, «TOO "Integra Construction KZ"» — 1998 jyly qurylǵan, Qazaqstandaǵy jetekshi qurylys kompaniialarynyń biri. Kompaniia temirjol jáne avtomobil joldaryn, ónerkásiptik jáne azamattyq nysandardy salý jáne qaita jańǵyrtýmen ainalysady.
