AQSh-tyń burynǵy prezidenti Djo Baiden qazirgi memleket basshysy Donald Tramptyń jáne onyń komandasynyń Gaza sektorynda atysty toqtatý jónindegi kelisimge qol jetkizýdegi eńbegin joǵary baǵalady, dep habarlaidy Dalanews.kz.
Bul týraly saiasatker X áleýmettik jelisinde jazdy.
Baidenniń aitýynsha, kelisimge aparar jol ońai bolmaǵan.
"Meniń ákimshiligim tutqyndardy úilerine qaitarý, palestinalyq halyqqa kómek kórsetý jáne soǵysty toqtatý baǵytynda tabandy jumys istedi. Prezident Tramp pen onyń komandasynyń kelisimdi qaita jandandyrý jolyndaǵy eńbegin joǵary baǵalaimyn", – dedi eks-prezident.
Onyń pikirinshe, Taiaý Shyǵys qazir beibitshilikke, sondai-aq izraildikter men palestinalyqtar úshin "beibit ómir, abyroi jáne qaýipsizdik teńdigin qamtamasyz etetin bolashaqqa" bet aldy.
Buǵan deiin Donald Tramp Kairde Gaza qaqtyǵysyn toqtatý jónindegi halyqaralyq kelisimge qol qoiǵan bolatyn. Bul bastamany Mysyr, Katar jáne Túrkiia qoldady.
