Qyrǵyzstan prezidenti ákimshiligi el Konstitýtsiiasyna ózgerister engizý týraly zań jobasyn qoǵamdyq talqylaýǵa shyǵardy, dep habarlaidy Dalanews.kz.
Qujatta ólim jazasyn engizý múmkindigi qarastyrylǵan. Onda balalardy zorlaǵany jáne zorlaýmen ushtasqan kisi óltirý qylmystary úshin eń joǵarǵy jaza retinde ólim jazasyn qoldanýǵa ruqsat berý usynylady.
Jobaǵa sáikes, Konstitýtsiianyń 25-babynyń birinshi bóligi jańa redaktsiiada usynylady. Onda árbir adamnyń ómir súrý quqyǵynyń ajyramas ekeni saqtalady, biraq qosymsha tarmaq engizilip, «ólim jazasy tek balalardy zorlaý jáne zorlaýmen ushtasqan kisi óltirý úshin ǵana qoldanylýy múmkin» dep kórsetiledi. Buǵan deiin Qyrǵyzstan prezidenti Sadyr Japarov Prezident ákimshiliginiń quqyqtyq qamtamasyz etý basqarmasynyń basshysyna balalarǵa, qyzdarǵa jáne áielderge qarsy qylmystar úshin eń qatań jaýapkershilikti qarastyratyn zańnamaǵa ózgerister daiyndaýdy tapsyrǵan bolatyn.
Aita keteiik, Qyrǵyzstanda ólim jazasyn qaita engizý máselesin referendýmǵa shyǵarýy múmkin. Bul týraly el prezidenti Sadyr Japarov suhbatynda aitty. Eger túzetýler referendým arqyly qabyldansa, Jogorký Kenesh Qylmystyq, Qylmystyq-protsestik jáne Qylmystyq-atqarý kodeksterine ózgerister engizedi.
Bul bastamaǵa 17 jastaǵy Aisýlýý M. esimdi qyzdyń ólimi sebep boldy. Bul oqiǵa qoǵamda úlken rezonans týdyrdy. El prezidenti Sadyr Japarov másele tek jalpyhalyqtyq daýys berý arqyly sheshilýi múmkin ekenin atap ótti. Al quqyq qorǵaýshylar ólim jazasy qylmyskerlerge tosqaýyl bola almaitynyn jáne áielder men balalardy qorǵaý júiesiniń álsizdigin alǵa tartady.
