قىرعىزستان پرەزيدەنتٸ ەكٸمشٸلٸگٸ ەل كونستيتۋتسيياسىنا ٶزگەرٸستەر ەنگٸزۋ تۋرالى زاڭ جوباسىن قوعامدىق تالقىلاۋعا شىعاردى, دەپ حابارلايدى Dalanews.kz.
قۇجاتتا ٶلٸم جازاسىن ەنگٸزۋ مٷمكٸندٸگٸ قاراستىرىلعان. وندا بالالاردى زورلاعانى جەنە زورلاۋمەن ۇشتاسقان كٸسٸ ٶلتٸرۋ قىلمىستارى ٷشٸن ەڭ جوعارعى جازا رەتٸندە ٶلٸم جازاسىن قولدانۋعا رۇقسات بەرۋ ۇسىنىلادى.
جوباعا سەيكەس, كونستيتۋتسييانىڭ 25-بابىنىڭ بٸرٸنشٸ بٶلٸگٸ جاڭا رەداكتسييادا ۇسىنىلادى. وندا ەربٸر ادامنىڭ ٶمٸر سٷرۋ قۇقىعىنىڭ اجىراماس ەكەنٸ ساقتالادى, بٸراق قوسىمشا تارماق ەنگٸزٸلٸپ, «ٶلٸم جازاسى تەك بالالاردى زورلاۋ جەنە زورلاۋمەن ۇشتاسقان كٸسٸ ٶلتٸرۋ ٷشٸن عانا قولدانىلۋى مٷمكٸن» دەپ كٶرسەتٸلەدٸ. بۇعان دەيٸن قىرعىزستان پرەزيدەنتٸ سادىر جاپاروۆ پرەزيدەنت ەكٸمشٸلٸگٸنٸڭ قۇقىقتىق قامتاماسىز ەتۋ باسقارماسىنىڭ باسشىسىنا بالالارعا, قىزدارعا جەنە ەيەلدەرگە قارسى قىلمىستار ٷشٸن ەڭ قاتاڭ جاۋاپكەرشٸلٸكتٸ قاراستىراتىن زاڭناماعا ٶزگەرٸستەر دايىنداۋدى تاپسىرعان بولاتىن.
ايتا كەتەيٸك, قىرعىزستاندا ٶلٸم جازاسىن قايتا ەنگٸزۋ مەسەلەسٸن رەفەرەندۋمعا شىعارۋى مٷمكٸن. بۇل تۋرالى ەل پرەزيدەنتٸ سادىر جاپاروۆ سۇحباتىندا ايتتى. ەگەر تٷزەتۋلەر رەفەرەندۋم ارقىلى قابىلدانسا, جوگوركۋ كەنەش قىلمىستىق, قىلمىستىق-پروتسەستٸك جەنە قىلمىستىق-اتقارۋ كودەكستەرٸنە ٶزگەرٸستەر ەنگٸزەدٸ.
بۇل باستاماعا 17 جاستاعى ايسۋلۋۋ م. ەسٸمدٸ قىزدىڭ ٶلٸمٸ سەبەپ بولدى. بۇل وقيعا قوعامدا ٷلكەن رەزونانس تۋدىردى. ەل پرەزيدەنتٸ سادىر جاپاروۆ مەسەلە تەك جالپىحالىقتىق داۋىس بەرۋ ارقىلى شەشٸلۋٸ مٷمكٸن ەكەنٸن اتاپ ٶتتٸ. ال قۇقىق قورعاۋشىلار ٶلٸم جازاسى قىلمىسكەرلەرگە توسقاۋىل بولا المايتىنىن جەنە ەيەلدەر مەن بالالاردى قورعاۋ جٷيەسٸنٸڭ ەلسٸزدٸگٸن العا تارتادى.
