Qazaqstannyń Ulttyq banki Keńes Odaǵynyń Batyry Áliia Moldaǵulovanyń 100 jyldyǵyna arnalǵan jańa kollektsiialyq monetany tanystyrdy, dep habarlaidy Dalanews.kz.
Moneta «Eleýli oqiǵalar men tulǵalar» seriiasy aiasynda shyǵarylyp, Qazaqstannyń moneta saraiynda daiyndalǵan.
Áliia Moldaǵulova - Uly Otan soǵysynyń qaharmany, mergen, erlik pen otansúigishtiktiń simvolyna ainalǵan tulǵa.
Moneta melhiordan jasalǵan, salmaǵy 15 gramm, nominaly 200 teńge.
Estelik moneta 15 qazannan bastap satylymǵa shyǵady.
