Astanada balasy «oqys oqiǵaǵa ushyrady» dep áriptesterin aldaǵan, sol arqyly onyń «emine» dep aqsha jinaǵan áiel jaýapkershilikke tartyldy, dep habarlaidyDalanews.kz. Polisia.kz- ke silteme jasap.
31 jastaǵy áiel dekrettik demalysta júrgen kezinde basshysyna habarlasyp, qaiǵyly oqiǵa boldy dep málimdegen: onyń aitýynsha, balasy terezeden qulap ketken ári jansaqtaý bóliminde jatyr.
Áriptesteri balanyń «emine» dep aqsha jinap, áieldiń bank kartasyna aýdarǵan.
Alaiaqtyq áreketi áriptesteriniń biri áieldiń kúieýine habarlasqanda áshkerelendi. Ol balasynyń jaǵdaiy jaqsy ekenin, eshqandai oqiǵa bolmaǵanyn aitqan.
Jinalǵan aqshany áiel óz qajetine jumsaǵan, onyń ishinde Túrkiiaǵa demalysqa shyǵý shyǵyndaryn da qamtyǵan.
«Alaiaqtyqtyń aýqymyn túsingen jábirlenýshiler birden politsiiaǵa júgindi. Quqyq qorǵaý organdary jedel tekserý júrgizip, áieldi alaiaqtyq faktisi boiynsha qylmystyq jaýapkershilikke tartty»,- dep habarlaidy IIM- niń baspasóz qyzmeti.
Politsiia ókilderi senimdi teris paidalaný men ózgeniń janashyrlyǵyn óz maqsatyna paidalaný- qylmys ekenin eskertti. Sondai- aq, azamattardy saq bolýǵa, aqparatty muqiiat tekserýge jáne emotsionaldyq arandatýshylyqqa ermeýge shaqyrady.
