استانادا بالاسى «وقىس وقيعاعا ۇشىرادى» دەپ ارىپتەستەرىن الداعان، سول ارقىلى ونىڭ «ەمىنە» دەپ اقشا جيناعان ايەل جاۋاپكەرشىلىككە تارتىلدى، دەپ حابارلايدىDalanews.kz. Polisia.kz- كە سىلتەمە جاساپ.
31 جاستاعى ايەل دەكرەتتىك دەمالىستا جۇرگەن كەزىندە باسشىسىنا حابارلاسىپ، قايعىلى وقيعا بولدى دەپ مالىمدەگەن: ونىڭ ايتۋىنشا، بالاسى تەرەزەدەن قۇلاپ كەتكەن ءارى جانساقتاۋ بولىمىندە جاتىر.
ارىپتەستەرى بالانىڭ «ەمىنە» دەپ اقشا جيناپ، ايەلدىڭ بانك كارتاسىنا اۋدارعان.
الاياقتىق ارەكەتى ارىپتەستەرىنىڭ ءبىرى ايەلدىڭ كۇيەۋىنە حابارلاسقاندا اشكەرەلەندى. ول بالاسىنىڭ جاعدايى جاقسى ەكەنىن، ەشقانداي وقيعا بولماعانىن ايتقان.
جينالعان اقشانى ايەل ءوز قاجەتىنە جۇمساعان، ونىڭ ىشىندە تۇركياعا دەمالىسقا شىعۋ شىعىندارىن دا قامتىعان.
«الاياقتىقتىڭ اۋقىمىن تۇسىنگەن جابىرلەنۋشىلەر بىردەن پوليسياعا جۇگىندى. قۇقىق قورعاۋ ورگاندارى جەدەل تەكسەرۋ جۇرگىزىپ، ايەلدى الاياقتىق فاكتىسى بويىنشا قىلمىستىق جاۋاپكەرشىلىككە تارتتى»،- دەپ حابارلايدى ءىىم- ءنىڭ باسپا ءسوز قىزمەتى.
پوليسيا وكىلدەرى سەنىمدى تەرىس پايدالانۋ مەن وزگەنىڭ جاناشىرلىعىن ءوز ماقساتىنا پايدالانۋ- قىلمىس ەكەنىن ەسكەرتتى. سونداي- اق، ازاماتتاردى ساق بولۋعا، اقپاراتتى مۇقيات تەكسەرۋگە جانە ەموسيونالدىق ارانداتۋشىلىققا ەرمەۋگە شاقىرادى.
