ەلٸمٸزدٸڭ بٸرقاتار قالاسىندا Amanat پارتيياسىنىڭ اتاۋى "ەدٸلەت" بولىپ ٶزگەرتٸلە باستادى. استانا مەن شىمكەنتتەگٸ پارتييا عيماراتتارىنىڭ ماڭدايشاسىنا جاڭا اتاۋ ورناتىلعان, دەپ حابارلايدى dalanews.kz.
سونداي-اق, ەلورداداعى پارتييانىڭ ورتالىق اپپاراتى ورنالاسقان عيماراتتاعى Amanat جازۋى "ەدٸلەت" اتاۋىنا اۋىستىرىلدى.
بۇعان دەيٸن "ەدٸلەت" پارتيياسى ساياسي كەڭەسٸ بيۋروسىنىڭ مٷشەسٸ راۋان كەنجەحانۇلى قۇجاتتاردى رەسٸمدەۋ شامامەن التى ايعا سوزىلاتىنىن ايتقان ەدٸ.
ايتا كەتەيٸك, "ەدٸلەت" پارتيياسى 2026 جىلعى 1 ماۋسىمدا مەملەكەتتٸك تٸركەۋدەن ٶتتٸ. ال 12 ماۋسىمدا ٶتكەن Amanat پارتيياسىنىڭ سەزٸندە دەلەگاتتار "ەدٸلەتپەن" بٸرٸگۋ تۋرالى شەشٸمدٸ بٸراۋىزدان قولدادى.
مەجٸلٸس دەپۋتاتى ايدوس سارىمنىڭ ايتۋىنشا, بٸرٸگۋ ٷدەرٸسٸن شٸلدەدە باستاۋ جوسپارلانعان. قازٸر تاراپتار بٸرٸككەن پارتييانىڭ الداعى جۇمىسىنا قاتىستى مەسەلەلەردٸ تالقىلاپ جاتىر.
