اتىراۋ وبلىسىندا تٶرت ادامنىڭ ٶلٸمٸنە قاتىستى رەزونانستى قىلمىستىق ٸس بويىنشا ٶتكەن سوت وتىرىسىندا جاڭا بەينەماتەريالدار قارالدى. سول جازبالاردىڭ بٸرٸندە سوتتالۋشى سۇلتان سەرسەمەليەۆتٸڭ جۇبايى اقبايان مۇقانعاليەۆادان جاۋاپ الىنعان سەت كٶرسەتٸلدٸ, دەپ dalanews.kz تٸلشٸسٸ kznews.kz سايتىنا سٸلتەمە جاساپ حابارلايدى.
سوتتا ايتىلعان دەرەكتەرگە سەيكەس, اقبايان مۇقانعاليەۆا پسيحونەۆرولوگييالىق ديسپانسەردٸڭ اقپاراتتىق جٷيەسٸندە ەسەپتە تۇرعان. قازٸرگٸ ۋاقىتتا ول پسيحياترييالىق مەكەمەدە ەم قابىلداپ جاتىر.
سۋديا زارەما حاميدۋللينا ەيەلدٸڭ تەرگەۋ كەزٸندە بەرگەن جاۋابىن وقىپ بەردٸ. وندا مۇقانعاليەۆا قىزىلقوعا اۋدانى جانگەلدين اۋىلىنداعى مەكتەپتٸ تەمامداعانىن, كەيٸن اقتٶبەدەگٸ كوللەدجدە بٸلٸم العانىن ايتقان. وقۋىن اياقتاعان سوڭ اتىراۋدا تٷرلٸ ۇيىمداردا جۇمىس ٸستەگەن. 2016 جىلى سۇلتان سەرسەمەليەۆكە تۇرمىسقا شىققان. ەرلٸ-زايىپتىنىڭ بەس بالاسى بار.
تەرگەۋ بارىسىندا مۇقانعاليەۆا بالالارىنىڭ كەيبٸرٸنٸڭ تۋعان جىلىن عانا اتاي العان. ال كەنجە بالاسىنىڭ تۋعان جىلىن ەسٸنە تٷسٸرە الماعان.
سونداي-اق ول سوڭعى بالاسىن دٷنيەگە ەكەلگەننەن كەيٸن دەنساۋلىعىندا قيىندىقتار تۋىنداعانىن جەتكٸزگەن. ايتۋىنشا, سول كەزەڭدە ماحامبەت اۋدانىندا بالاسىنا ەنەسٸ قاراعان. ەيەل باسى قاتتى اۋىرعانىن, دەرٸگەرلەردٸڭ كەڭەسٸنەن كەيٸن كٷيەۋٸمەن بٸرگە تٷركيياعا تەكسەرٸلۋگە بارعانىن ايتقان.
"مەن باسىمدى تەكسەرتٸپ, ەم الدىم. تٷركييادا كٷيەۋٸم ۋاقىتشا جۇمىس ٸستەدٸ. بٸز قوناقٷيدە تۇردىق. مەن كٶبٸنە ۇيىقتاپ جاتتىم. تەلەفونىم بولعان جوق, ونى سۇلتان الىپ العان. پوليتسييا مەنٸ جەنە كٷيەۋٸمدٸ نە ٷشٸن ۇستاعانىن بٸلمەيمٸن", – دەگەن ول جاۋاپ الۋ كەزٸندە.
بەينەجازبادا مۇقانعاليەۆانىڭ بٸرقاتار سۇراققا ناقتى جاۋاپ بەرە الماعانى بايقالادى. ول كٶپ جاعدايدا «بٸلمەيمٸن» دەپ جاۋاپ بەرگەن. سونىمەن قاتار تەرگەۋ ەرەكەتتەرٸ كەزٸندە شارشاعانىن ايتىپ, كەيبٸر سۇراقتارعا جاۋاپ بەرۋدەن باس تارتقان.
سوتتا ۇسىنىلعان ماتەريالدارعا سەيكەس, كەيٸن وعان ارنايى ەم قابىلداۋ ۇسىنىلعان.
