Atyraý oblysynda tórt adamnyń ólimine qatysty rezonansty qylmystyq is boiynsha ótken sot otyrysynda jańa beinematerialdar qaraldy. Sol jazbalardyń birinde sottalýshy Sultan Sársemálievtiń jubaiy Aqbaian Muqanǵalievadan jaýap alynǵan sát kórsetildi, dep dalanews.kz tilshisi kznews.kz saityna silteme jasap habarlaidy.
Sotta aitylǵan derekterge sáikes, Aqbaian Muqanǵalieva psihonevrologiialyq dispanserdiń aqparattyq júiesinde esepte turǵan. Qazirgi ýaqytta ol psihiatriialyq mekemede em qabyldap jatyr.
Sýdia Zarema Hamidýllina áieldiń tergeý kezinde bergen jaýabyn oqyp berdi. Onda Muqanǵalieva Qyzylqoǵa aýdany Jangeldin aýylyndaǵy mektepti támamdaǵanyn, keiin Aqtóbedegi kolledjde bilim alǵanyn aitqan. Oqýyn aiaqtaǵan soń Atyraýda túrli uiymdarda jumys istegen. 2016 jyly Sultan Sársemálievke turmysqa shyqqan. Erli-zaiyptynyń bes balasy bar.
Tergeý barysynda Muqanǵalieva balalarynyń keibiriniń týǵan jylyn ǵana atai alǵan. Al kenje balasynyń týǵan jylyn esine túsire almaǵan.
Sondai-aq ol sońǵy balasyn dúniege ákelgennen keiin densaýlyǵynda qiyndyqtar týyndaǵanyn jetkizgen. Aitýynsha, sol kezeńde Mahambet aýdanynda balasyna enesi qaraǵan. Áiel basy qatty aýyrǵanyn, dárigerlerdiń keńesinen keiin kúieýimen birge Túrkiiaǵa tekserilýge barǵanyn aitqan.
"Men basymdy teksertip, em aldym. Túrkiiada kúieýim ýaqytsha jumys istedi. Biz qonaqúide turdyq. Men kóbine uiyqtap jattym. Telefonym bolǵan joq, ony Sultan alyp alǵan. Politsiia meni jáne kúieýimdi ne úshin ustaǵanyn bilmeimin", – degen ol jaýap alý kezinde.
Beinejazbada Muqanǵalievanyń birqatar suraqqa naqty jaýap bere almaǵany baiqalady. Ol kóp jaǵdaida «Bilmeimin» dep jaýap bergen. Sonymen qatar tergeý áreketteri kezinde sharshaǵanyn aityp, keibir suraqtarǵa jaýap berýden bas tartqan.
Sotta usynylǵan materialdarǵa sáikes, keiin oǵan arnaiy em qabyldaý usynylǵan.
