14 qazanǵa Qazaqstannyń 15 oblysynda daýyldy eskertý jarıalandy, dep habarlaıdy Dalanews.kz  Qazgıdrometke silteme jasap.

Túnde Batys Qazaqstan oblysynyń soltústiginde, shyǵysynda jáne ortalyǵynda qatty jańbyr kútiledi. Oblystyń ońtústiginde jáne ońtústik- shyǵysynda tótenshe órt qaýpi saqtalady.

Túnde jáne tańerteń Soltústik Qazaqstan oblysynyń ońtústiginde tuman kútiledi. Ońtústik- shyǵystan soǵatyn jel kúndiz oblystyń batysynda jáne ońtústiginde 15-20 m/c jyldamdyqpen soǵady.

Túnde jáne tańerteń Aqmola oblysynyń soltústiginde tuman kútiledi. Shyǵystan soǵatyn jel kúndiz oblystyń batysynda, ońtústiginde jáne shyǵysynda 15-20 m/c jyldamdyqpen soǵady. Oblystyń ońtústik- batysynda órttiń joǵary qaýpi saqtalady.

Almaty oblysynyń soltústiginde tótenshe órt qaýpi saqtalady, al batysynda órttiń joǵary qaýpi kútiledi.

Kúndiz Atyraý oblysynyń batysynda, soltústiginde jáne shyǵysynda naızaǵaı kútiledi. Ońtústik- shyǵystan soltústik- batysqa aýysatyn jel soǵady, oblystyń shyǵysynda ekpini 15-20 m/c deıin jetedi. Oblystyń soltústiginde, ońtústiginde jáne shyǵysynda tótenshe órt qaýpi saqtalady, soltústik- shyǵysy men batysynda órttiń joǵary qaýpi kútiledi.