14 қазанға Қазақстанның 15 облысында дауылды ескерту жарияланды, деп хабарлайды Dalanews.kz Қазгидрометке сілтеме жасап.
Түнде Батыс Қазақстан облысының солтүстігінде, шығысында және орталығында қатты жаңбыр күтіледі. Облыстың оңтүстігінде және оңтүстік- шығысында төтенше өрт қаупі сақталады.
Түнде және таңертең Солтүстік Қазақстан облысының оңтүстігінде тұман күтіледі. Оңтүстік- шығыстан соғатын жел күндіз облыстың батысында және оңтүстігінде 15-20 м/c жылдамдықпен соғады.
Түнде және таңертең Ақмола облысының солтүстігінде тұман күтіледі. Шығыстан соғатын жел күндіз облыстың батысында, оңтүстігінде және шығысында 15-20 м/c жылдамдықпен соғады. Облыстың оңтүстік- батысында өрттің жоғары қаупі сақталады.
Алматы облысының солтүстігінде төтенше өрт қаупі сақталады, ал батысында өрттің жоғары қаупі күтіледі.
Күндіз Атырау облысының батысында, солтүстігінде және шығысында найзағай күтіледі. Оңтүстік- шығыстан солтүстік- батысқа ауысатын жел соғады, облыстың шығысында екпіні 15-20 м/c дейін жетеді. Облыстың солтүстігінде, оңтүстігінде және шығысында төтенше өрт қаупі сақталады, солтүстік- шығысы мен батысында өрттің жоғары қаупі күтіледі.
