Qasym-Jomart Toqaev negizgi zańnyń 40-qa jýyq baby ózgeretinin málimdedi, dep habarlaidy Dalanews.kz.
Búgin Prezident Parlamenttik reforma jónindegi jumys tobynyń birinshi otyrysynda sóz sóiledi.
"Memleket basshysy retinde men úshin Parlament – elimizdegi saiasi júieniń negizgi tiregi. Sondyqtan aldymen Konstitýtsiiaǵa birqatar ózgeris engizý qajet bolady. Negizgi zańnyń 40-qa jýyq baby ózgeredi. Sodan soń kem degende 10 konstitýtsiialyq zańǵa jáne 50-den astam kodeks pen zańǵa túzetý engizý kerek bolady. Muny jańa Konstitýtsiia qabyldaýmen teń keletin is deýge bolady. Árine, bul jumystyń bárin taban astynda, bir sátte júzege asyrý múmkin emes. Tyńǵylyqty daiyndyq kerek. Sondyqtan aldaǵy reformanyń keibir kontseptýaldy tustaryna qatysty oi-pikirimdi bildirgim keledi", - dedi Toqaev.
