Latyn álipbiin qabyldaý el tarihyndaǵy mańyzdy oqiǵa
Ustazdar bul úlginiń tiimdiligi diagraftyń bolmaýynda, iaǵni «bir árip – bir dybys» talaby saqtalyp otyrǵandyǵy kóńil qýantady deidi ustazdar qaýymy. Sonymen qatar, óńir pedagogteriniń pikirinshe, apostrofpen jazý esh qiyndyq týǵyzbaitynyna senimdi.
– Qoǵamnyń árbir tynysymen tynystap otyrǵan ustazdar qaýymynyń biri ári ózim til mamany bolǵandyqtan,álipbi aýystyrý máselesine bei-jai qarai almadym. Bul – ultymyzdyń tarihyndaǵy eń mańyzdy oqiǵa dep sanaimyn. Sondyqtan osyndai memlekettik mańyzy bar iske úlken jaýapkershilikpen, erekshe mán bere qaraǵanymyz jón dep bilemin. Latyn álipbiin úirenip alý da asa qiyndyq týǵyza qoiady dep te oilamaimyn, – dedi Y.Altynsarin atyndaǵy №65 mektep-gimnaziianyń muǵalimi Marfýǵa Ábýtálipqyzy.
Oǵan qosa, ǵalymdardyń pikirine súiene baiandama jasaǵan ustazdardyń pikirinshe, bul halyqtyq sharanyń qazaq tiliniń damýyna, qoldanysynyń keńeiýine qosar úlesi de qomaqty eken. Latyn álipbiine kóshý arqyly Qazaqstannyń túrki álemimen bailanysy odan ári arta túsetinin de qadap aitýda.
– Búkil qoǵam bolyp talqylap jatyrǵan máseleni bilim uiasynyń ustazdar qaýymy men mektep shákirtteri «dóńgelek ústelde» talqylaǵan tusta, jastarymyzdyń osy máselege qatysty aitqan utymdy da tushymdy oilary meniń janyma alash rýhyn sezindirgendei boldy.Jalpy aitqanda, latyn álipbiine kóshý bizderdi órkenietke jetýdiń tiimdi ári ońtaily jolyna jeteleitindei kórinedi, – dedi T.Tájibaev atyndaǵy №47 mektep-ginaziiasynyń qazaq tili men ádebieti páni muǵalimi Kúlmira Asanqyzy.
Aita keteiik, 9 qazan kúni Elbasy memlekettik tildi latyn qarpine kóshirý jónindegi jobany iske asyrý úshin qurylǵan jumys tobynyń múshelerimen kezdesken bolatyn. Jiynda Memleket basshysyna qoǵamdyq talqylaýlar barysynda kelip túsken usynystardy eskere otyryp ázirlengen qazaq tiliniń latyn qarpine negizdelgen biryńǵai standartynyń jobasy usynyldy. Eskerke ketetini, bul usynylǵan sońǵy úlgi.
