Úiden shyǵarý, aliment jáne qaryz daýlarynda sot sheshimderiniń oryndalýy jii keshigip jatady. Osy máseleni retteý úshin Májilis atqarýshylyq is júrgizýdi jetildirýge arnalǵan zań jobasyn birinshi oqylymda maquldady, dep habarlaidy Dalanews.kz.
Depýtat Natalia Dementevanyń aitýynsha, jańa qujat sot sheshimderin naqty ári ýaqytynda oryndatýǵa baǵyttalǵan. Sonyń ishinde, úiden shyǵarý kezinde boryshkerge aldyn ala 10 kún buryn eskertý jiberý tártibi qarastyrylyp otyr.
Zań jobasynda taǵy bir mańyzdy ózgeris – óndirilgen aqshany aýdarý merzimin naqtylaý. Qazir mundai talap joq, bul ásirese aliment alatyn balalardyń jaǵdaiyna keri áser etip otyr.
Sondai-aq boryshkerler tizimine azamattardy negizsiz engizý máselesi de qaita qaralady. Endi bul tizimge tek sot sheshimin ádeii oryndamaǵan adamdar ǵana engiziledi.
Budan bólek, jalǵan mekenjai kórsetip, jaýapkershilikten jaltarǵan kompaniialarǵa qatysty baqylaý kúsheitiledi. Al boryshkerlerdiń múlkin satý kezinde elektrondy aýktsiondardyń ashyqtyǵy artyp, qatysýshylarǵa baǵany kóterýge qosymsha ýaqyt beriledi.
Jalpy, usynylyp otyrǵan ózgerister sot sheshimderiniń oryndalýyn jedeldetip, azamattardyń quqyqtaryn tiimdi qorǵaýǵa baǵyttalǵan.
