Óskemen qalasynyń áýejaiy aviaotyn baǵasyn negizsiz joǵary ustap otyrǵany úshin jaýapqa tartyldy, dep habarlaidy Dalanews.kz.
Bul jaǵdaidy Básekelestikti qorǵaý jáne damytý agenttiginiń Shyǵys Qazaqstan oblysy boiynsha departamenti tekserý barysynda anyqtaǵan. Tergeý nátijesinde áýejaidyń aviaotyndy bólshek saýdada satý kezinde monopoliialyq joǵary baǵa belgilep, ony uzaq ýaqyt ózgerissiz ustap kelgeni belgili boldy.
Sot sheshimimen "Óskemen áýejaiyna" 8,9 mln teńge kóleminde aiyppul salyndy. Sonymen qatar zańsyz alynǵan 10,6 mln teńge tabys memleket kirisine óndirildi.
Bul sheshimdi birinshi satydaǵy sot ta, Shyǵys Qazaqstan oblystyq soty da kúshinde qaldyrdy.
