Búdjetten áleýmettik tólemderdi zańsyz alǵan qos azamattyǵy bar qazaqstandyqtar aqshany memleketke qaıtarýǵa májbúr bolady. Bul týraly Májilis dálizinde Eńbek jáne halyqty áleýmettik qorǵaý mınıstri Svetlana Jaqypova jýrnalıserge bergen suqbatynda aıtty, dep habarlaıdy Dalanews.kz.
"Zalal somasyn ýákiletti organ - Qarjylyq monıtorıńi agenttigi aıqyndaıdy. Barlyq materıaldar tapsyryldy, meniń oıymsha, tergeý júrip jatyr jáne bul somalar qaıta ornyna qoıylady", - dedi Svetlana Jaqypova.
Onyń aıtýynsha, qarjy organdary zańsyz qansha qarajat alynǵanyn anyqtap, tekserip jatyr. Bul arada Qazaqstan zańdary boıynsha tyıym salynǵan ekinshi azamattyǵyn jasyrǵandar jáne memlekettik tólemderdi alyp kelgen osyndaı azamattar týraly sóz bolyp otyr. Bul rette mınıstr bir mezette úsh memleketten bir mezette zeınetaqy alyp otyrǵan adamdar bolǵanyn
Sonymen qatar mınıstr zeınetaqy men áleýmettik tólemderdi adal ıelenýshilerge bul jaǵdaıdyń qatysy joq ekenin, olardyń quqyqtary qorǵalǵanyn naqtylaı ketti.
Aıta ketsek, búgingi tańda qazaqstandyqtardyń zeınetaqy jınaqtary 24,8 trln teńgeden asty. Jyl basynan beri respýblıkalyq búdjetten 2 trln 451,4 mlrd teńge somasyna zeınetaqy tólendi, onyń ishinde bazalyq zeınetaqyǵa 793 mlrd teńge, yntymaqty zeınetaqyǵa 1 trln 658,4 mlrd teńge baǵyttaldy. 2025 jyldyń 1 tamyzyndaǵy derek boıynsha elimizde zeınetkerler sany 2 mln 497 myń adamdy quraıdy.
Buǵan deıin Eńbek mınıstrligi "konverttegi" jalaqy máselesimen qalaı kúreskeli jatqandaryn aıtyp, óz josparlarymen bólisken.
