Dúniege kelmei jatyp ákesinen aiyrylǵan Gúljan bes jasynan qara jumysqa aralasýǵa májbúr bolǵan. Sebebi otbasynyń qalǵan eki múshesi kemtar jandar: anasynyń kózi kórmese, aǵasy múgedek arbasyna tanylǵan. Al ózi sońǵy kezderi aitýǵa aýyz barmaityn jaman dertke shaldyqqanymen, onyń em-domynan bas tartqan. Óitkeni 20 jastaǵy Gúljan emdelýge ketsem, úiimdegi jandar qaraýsyz qalady dep alańdaidy. Kúnderdiń bir kúni ábden tozyǵy jetken saman kirpishten salynǵan úidi meken etip jatqan osyndai aýyr qiynshylyǵy bar otbasy shańyraǵyna el aýzyndaǵy, kóppen maqtaýly betperde taqqan jigit ǵaiyptan kirip kelip, qýanysh syilady, dep jazady Dalanews.kz.
Atalǵan oqiǵa videosymen qaiyrymdylyq jasaýshy jigit Instagram-daǵy jeke paraqshasynda bólisti.
Gúljan jýyrda jasalǵan otadan keiin ózine aýyr diagnoz qoiylǵanyn bilipti. Alaida ol himiia terapiiadan bas tartqan, onysyn úidegilerden jasyrǵan, óitkeni jaqyndaryna qaraityn basqa adam joq. Otbasy qandai da bir yńǵailylyq qarastyrylmaǵan saman kirpishten salynǵan úidi jaldap turyp jatyr eken.
Betperdedegi jigit olarǵa baspana syilap qana qoimai, sonymen qatar óz isterin ashý úshin jáne Gúljannyń Úndistandaǵy emine de aqsha berdi. Jelide jariialanǵan videoda bul oqiǵanyń qalai aiaqtalǵany sipattalady.
"Men únemi ózimdi emes, anam men aǵamda úi bolsa dep armandaitynmyn. Endi bizde "durystap ómir súrýge bolady" degen úmit oty tutandy", - deidi kóz jasyna ie bola almaǵan Gúljan.
Videoda qaiyrymdylyq jasaýshy jigit búginderi Gúljannyń Úndistanda ekenin, qajetti em-sharalardy alyp jatqanyn da naqtylai ketti.
