Almatyda durys qoiylmaǵan kólikter jappai aiyp turaǵyna jetkizilip jatyr, dep habarlaidy dalanews.kz.
Qalada jol qozǵalysy erejelerin buzǵan júrgizýshilerdi anyqtaý jumystary jalǵasyp jatyr. Kezekti reid Almaly aýdanynda ótkizilgen.
Tekseris sharalaryna evakýatorlar tartylǵan. Politsiianyń málimetinshe, reidtiń alǵashqy saǵattarynda-aq kólikti toqtatý jáne qoiý talaptaryn buzýdyń 50-ge jýyq deregi anyqtalǵan.
Sonyń ishinde 28 kólik arnaiy aiyp turaǵyna jetkizildi. Quqyq qorǵaý organdary mundai tekserister aldaǵy ýaqytta da jalǵasatynyn atap ótti.
Politsiia júrgizýshilerdi kólikterin ruqsat etilmegen jerlerge qaldyrmaýǵa jáne turaqqa qoiý erejelerin saqtaýǵa shaqyrdy.
