Abai oblysynyń Aqsýat aýdanynda jol qozǵalysy erejelerin óreskel buzǵan toi kortejiniń júrgizýshileri jaýapqa tartyldy, dep habarlaidy dalanews.kz.
Oqiǵa Aqsýat aýylynda bolǵan. Politsiia málimetinshe, bes kólikten quralǵan toi kortejiniń qatysýshylary jolda qaýipti manevrler jasap, jol qozǵalysy erejelerin elemegen. Olardyń áreketi ózge júrgizýshilerdiń qaýipsizdigine qater tóndirgen.
Tekserý barysynda tártip saqshylary oqiǵaǵa qatysqan barlyq júrgizýshini anyqtady. Ákimshilik jaýapkershilikke Hyundai Tucson, Hyundai Santa Fe, Chevrolet, Toyota jáne Lada Priora kólikteriniń júrgizýshileri tartyldy. Barlyq kólik arnaiy aiyp turaǵyna qoiyldy.
Quqyq buzýshylarǵa qatysty jalpy sany 19 ákimshilik hattama toltyryldy. Olardyń qatarynda manevr jasaý qaǵidalaryn buzý, qaýipsizdik beldigin taqpaý, jolda apatty jaǵdai týǵyzý jáne kólik quraldaryn paidalaný talaptaryn saqtamaý faktileri bar.
Abai oblystyq politsiia departamenti merekelik sharalar jol qozǵalysy erejelerin buzýǵa sebep bola almaitynyn atap ótti. Vedomstvo ókilderiniń aitýynsha, joldaǵy qaýipsizdikke qater tóndiretin mundai áreketterge zań aiasynda qatań shara qoldanylady.
