دٷنيەگە كەلمەي جاتىپ ەكەسٸنەن ايىرىلعان گٷلجان بەس جاسىنان قارا جۇمىسقا ارالاسۋعا مەجبٷر بولعان. سەبەبٸ وتباسىنىڭ قالعان ەكٸ مٷشەسٸ كەمتار جاندار: اناسىنىڭ كٶزٸ كٶرمەسە, اعاسى مٷگەدەك ارباسىنا تانىلعان. ال ٶزٸ سوڭعى كەزدەرٸ ايتۋعا اۋىز بارمايتىن جامان دەرتكە شالدىققانىمەن, ونىڭ ەم-دومىنان باس تارتقان. ٶيتكەنٸ 20 جاستاعى گٷلجان ەمدەلۋگە كەتسەم, ٷيٸمدەگٸ جاندار قاراۋسىز قالادى دەپ الاڭدايدى. كٷندەردٸڭ بٸر كٷنٸ ەبدەن توزىعى جەتكەن سامان كٸرپٸشتەن سالىنعان ٷيدٸ مەكەن ەتٸپ جاتقان وسىنداي اۋىر قيىنشىلىعى بار وتباسى شاڭىراعىنا ەل اۋزىنداعى, كٶپپەن ماقتاۋلى بەتپەردە تاققان جٸگٸت عايىپتان كٸرٸپ كەلٸپ, قۋانىش سىيلادى, دەپ جازادى Dalanews.kz.
اتالعان وقيعا ۆيدەوسىمەن قايىرىمدىلىق جاساۋشى جٸگٸت Instagram-داعى جەكە پاراقشاسىندا بٶلٸستٸ.
گٷلجان جۋىردا جاسالعان وتادان كەيٸن ٶزٸنە اۋىر دياگنوز قويىلعانىن بٸلٸپتٸ. الايدا ول حيمييا تەراپييادان باس تارتقان, ونىسىن ٷيدەگٸلەردەن جاسىرعان, ٶيتكەنٸ جاقىندارىنا قارايتىن باسقا ادام جوق. وتباسى قانداي دا بٸر ىڭعايلىلىق قاراستىرىلماعان سامان كٸرپٸشتەن سالىنعان ٷيدٸ جالداپ تۇرىپ جاتىر ەكەن.
بەتپەردەدەگٸ جٸگٸت ولارعا باسپانا سىيلاپ قانا قويماي, سونىمەن قاتار ٶز ٸستەرٸن اشۋ ٷشٸن جەنە گٷلجاننىڭ ٷندٸستانداعى ەمٸنە دە اقشا بەردٸ. جەلٸدە جارييالانعان ۆيدەودا بۇل وقيعانىڭ قالاي اياقتالعانى سيپاتتالادى.
"مەن ٷنەمٸ ٶزٸمدٸ ەمەس, انام مەن اعامدا ٷي بولسا دەپ ارماندايتىنمىن. ەندٸ بٸزدە "دۇرىستاپ ٶمٸر سٷرۋگە بولادى" دەگەن ٷمٸت وتى تۇتاندى", - دەيدٸ كٶز جاسىنا يە بولا الماعان گٷلجان.
ۆيدەودا قايىرىمدىلىق جاساۋشى جٸگٸت بٷگٸندەرٸ گٷلجاننىڭ ٷندٸستاندا ەكەنٸن, قاجەتتٸ ەم-شارالاردى الىپ جاتقانىن دا ناقتىلاي كەتتٸ.
