Almatyda Dostyq dańǵyly, 170/1 mekenjaiynda zańsyz salynǵan saýda nysandary súrildi, dep habarlaidy dalanews.kz.
Qalalyq qala qurylysyn baqylaý basqarmasynyń málimetinshe, jospardan tys tekserý kezinde atalǵan aýmaqta eshqandai ruqsat qujattarynsyz úsh bir qabatty nysannyń qurylysy júrgizilgeni anyqtalǵan.
Tekserý qorytyndysy boiynsha menshik iesine qurylys-montaj jumystaryn toqtatý, anyqtalǵan zańbuzýshylyqtardy joiý jáne jer telimin bastapqy qalpyna keltirý týraly nusqama berilgen.
Alaida nusqama oryndalmaǵandyqtan, materialdar Ákimshilik quqyq buzýshylyqtar jónindegi mamandandyrylǵan aýdanaralyq sotqa joldanǵan. Sot sheshimimen menshik iesi ákimshilik jaýapkershilikke tartyldy.
Qazirgi ýaqytta óz betinshe turǵyzylǵan nysandar menshik iesiniń kúshimen tolyqtai súrilgen.
Qala qurylysyn baqylaý basqarmasy qurylys jumystaryn júrgizý kezinde qoldanystaǵy zań talaptaryn qatań saqtaý qajettigin eske saldy.
